سنڌو درياھ سان سنڌ آھي، 7 ڪروڙ انسانن جي زندگي آھي، ملڪ جي بقا آھي: اياز لطيف پليجو

سنڌ دشمن سازش جي پرامن جدوجھد ذريعي لکين عوام سان گڏجي مزاحمت ڪئي ويندي

حيدرآباد (بيورو) قومي عوامي تحريڪ جي سربراھ اياز لطيف پليجي چيو تہ سنڌو درياھ سان سنڌ آھي، 7 ڪروڙ انسانن جي زندگي آھي، ملڪ جي بقا آھي، سنڌ خلاف ڪنھن بہ قسم جي سازش دراصل ملڪ خلاف سازش آھي، انڪري سنڌو درياھ کي ختم ڪرڻ، قتل ڪرڻ لاء ڪو بہ ڪئنال قبول نہ ڪيو ويندي. ان جي پرامن جدوجھد ذريعي لکين عوام سان گڏجي مزاحمت ڪئي ويندي. اياز لطيف پليجي چيو تہ پيپلزپارٽي ۽ زرداري ٽولي کي سنڌ ۽ سنڌي ماڻهن سان ڪابہ دلچسپي، محبت ڪونهي ھي دلال۽ سوداگر آھن سنڌ ۽ سنڌي قوم کي گروي ۽ وڪڻي چوٿون ڀيرو اقتدار حاصل ڪيو آهي. پيپلزپارٽي ۽ زرداري ٽولو شاھوڪار سنڌ کي تباھ ڪرڻ چاھين ٿا ک پيپلزپارٽي اقتدار خاطر سنڌو درياءَ، ڪارونجهر، ٻيٽ ۽ سنڌ جا وسيلا وڪڻي ڇڏيا آھن.اياز لطيف پليجي چيو تہ پيپلزپارٽي ۽ زرداري مافيا اقتدار کان اڳ ۾ نمائشي طور جمھوريت، اٽي،اجهي، لٽي ۽ سنڌي عوام جي حقن جا خوبصورت نعرا ھڻندا آهن پر اقتدار ملڻ کانپوءِ سنڌ وسري ويندي آهي. پيپلزپارٽي سنڌ سان ھر دور ۾ دوکو ڪيو آھي. ڪيل واعدن تي ھڪ سيڪڙو بہ عمل نہ ڪيو آھي. جنھن ڪري سنڌ وڌيڪ تڪليفن ۾ آھي.پيپلز پارٽي جي عوام دشمن پاليسين جي ڪري سنڌ کي تباھ ۽برباد ڪري ڇڏيو آهي. سنڌ قدرتي وسيلن سان مالا مال آھي، تيل، گئس، ڪوئلو ۽ ٻي معدنيات آھي، ٻئي طرف زراعت، سمنڊ ۽ بندرگاھ آھن، اھڙن وسيلن وارا ملڪ ترقي يافتہ ۽ خوشحال آھن پر سنڌ ۾ عوام بدحال ۽ ڪرپٽ حڪمران خوشحال آھن.