ملير: اسٽيل ملز جي پورھيتن پاران پگھارن ۾ واڌ نھ ٿيڻ ۽ اسٽيل مل بند ڪرڻ خلاف ڌرڻو

ملير: اسٽيل ملز جي پورھيتن پاران پگھارن ۾ واڌ نھ ٿيڻ ۽ اسٽيل مل بند ڪرڻ خلاف ڌرڻو

ملير (رپورٽر) اسٽيل ملز پورهيتن طرفان پگهارن ۾ واڌ نه ڪرڻ ۽ اسٽيل مل بند ڪرڻ خلاف احتجاجي مظاهرو ۽ ڌرڻو، اڀ ڏاريندڙ نعرا، 12 سالن کان پگهارن ۾ واڌ نه ڪئي وئي آهي قهر جي مهانگائي ۾ محدود پگهار ۾ گذارو مشڪل آهي 100 سيڪڙو پگهار وڌائي وڃي اداري کي بند ڪرڻ جو فيصلو ڪنهن به صورت ۾ قبول ناهي فيصلو واپس ورتو وڃي ٻي صورت ۾ سخت احتجاج ڪيو ويندو اڳواڻ تفصيل موجب اسٽيل ملز پورهيتن طرفان پگهارن ۾ واڌ نه ڪرڻ ۽ اسٽيل مل بند ڪرڻ خلاف ڪالھ ايڪشن ڪميٽي جي اڳواڻن علي حیدر گبول ، اڪبر ناریجو ، عروج علوي ، شوڪت ڪورائی، ھارون خٽڪ ،نسیم حیدر، ریحان فیصل ۽ ٻين جي اڳواڻي ۾ احتجاجي مظاهرو ڪري ڌرڻو هنيو ويو، مظاهرو ڪندڙن جي هٿن ۾ پلي ڪارڊ ۽ بينر هئا جيڪي پگهارون وڌايو، اسٽيل مل بند ڪري پورهيتن جو معاشي قتل بند ڪريو جا اڀ ڏاريندڙ نعرا هڻي رهيا هئا ان موقعي تي اڳواڻن چيو ته 12 سالن کان پراڻي پگهار تي هلايو پيو وڃي قهر جي مهانگائي ۾ محدود پگهار ۾ گذارو مشڪل آهي 100 سيڪڙو پگهار وڌائي وڃي هنن چيو ته روس اسٽيل ملز جي بحالي لاءِ 2 ارب ڊالر جي سيڙپ جي پيشڪش ڪئي آهي حڪومت روس جي پيشڪش جو مثبت جواب ڏئي هنن چيو ته اسٽيل مل کي بند ڪرڻ جو فيصلو ڪنهن به صورت ۾ قبول نه ڪيو ويندو، حڪومت طرفان اداري کي اسڪريپ قرار ڏئي بند ڪرڻ ۽ اربين روپين جي ماليت جي قيمتي ڪوڪ آون بيٽري جي گيس بند ڪرڻ جهڙا فيصلا معاشي طور تباهي آڻيندڙ فيصلا معاشي غداري آهن ۽ اسٽيل مل جي مستقبل جو ڪوبه فيصلو گڏيل مفادات ڪائونسل جي منظوري بغير نٿو ڪري سگهجي اڳواڻن وڌيڪ چيو ته حڪومت اسٽيل مل جي بابت فيصلو ڪرڻ کان اڳ پورهيتن جي مستبقل بابت غور ڪري ۽ پورهيت جي رهتن، چارٽر آف ڊمانڊ جي منظوري، گلشن حديد 4 جي فوري الاٽمينٽ سميت نيڪالي ڏنل پورهيتن جي بحالي جي منظوري ڏني وڃي جڏهن ته اسٽيل مل کربين روپين جو اثاثو آهي جنهن جي زمين جي ڀڳڙن مٺ ۾ ورهاست قبول ناهي هنن مطالبو ڪيو ته پگهارن ۾ 100 سيڪڙو واڌ ڪئي وڃي، رهتون جاري ڪيون وڃن ۽ اداري کي بند ڪرڻ جا سانباھا بند ڪيا وڃن بي صورت ۾ سخت احتجاج ڪيو ويندو.