سجاول پوليس جون ڪارروائيون، 6 ڄڻن کي گرفتار ڪرڻ جي دعويٰ

سجاول پوليس جون ڪارروائيون، 6 ڄڻن کي گرفتار ڪرڻ جي دعويٰ

سجاول (رپورٽر) ضلعي سجاول پوليس جي مختلف ٿاڻن جي حدن ۾ منشيات ، گھٽڪا فروشن ۽ روپوش جوابدارن خلاف ڪاروايون جاري ، ايس ايڇ او بنون ڪاروائي ڪندي ديسي شراب ٺرو جي بٺي ڊاهي پَٽ ڪري اشتھاري بٺي مالڪن کي گرفتار ڪري ورتو. تفصيل موجب. ايس ايس پي سجاول ڊاڪٽر عبدالخالق پيرزاده جي ھدايتن تي سي آئي اي انچارج غلام فاروق راھيپوٽو خفيه اطلاع تي سجاول ، ٺٽي روڊ برانچ موري ويجھو چيڪنگ دوران ڪاروائي ڪندي ٻن گھٽڪا فروشن الياس ميمڻ ۽ حبيب الله جماري کي ٻه ھزار گھٽڪن ۽ ھڪ 125 موٽرسائيڪل سميت گرفتار ڪري ورتو جڏهن ته علي رِضا عرف گبول ميمڻ فرار ٿي ويو ، ٻئي طرف ايس ايڇ او چوھڙ جمالي قربان علي قمبراڻي ڪاروائي ڪندي گھٽڪا فروش غلام حُسين عرف گلي ميمڻ کي ٻه ھزار گھٽڪن پڙين سميت گرفتار ڪري ڪيس داخل ڪري ڇڏيو ، ايس ايڇ او چوھڙ جمالي چوھڙ شهر ۾ شيل پمپ ويجھو ڪاروائي ڪندي منشيات فروش نديم شورو کي ڇھ عدد پينٽ پڪي شراب سميت گرفتار ڪري ڪيس داخل ڪري ڇڏيو ، ھوڏانھن ايس ايڇ او سجاول سجاد علي جمالي خفيه اطلاع تي پتڻ ناڪو وٽ ڇاپو ھڻي سجاول ٿاڻي تي گھربل روپوش جوابدار عبدالستار عرف ستاري ملاح ۽ عبدالواحد عرف واحد ملاح گرفتار ڪري ورتو