نوشهروفيروز ويجهو ڳوٺاڻن جو رڪوري انچارج خلاف احتجاجي مظاهرو

رڪوري انچارج حق نواز مگسي ڪرپشن ۾ ملوث آهي: غلام مصطفيٰ ڪلهوڙو

نوشهروفيروز (ڊ ر)حق نواز مگسي سپريم ڪورٽ جا حڪم هوا ۾ اڏائي ڇڏيا، هڪ ئي وقت 4 ڊپارٽمينٽس جو رڪوري انچارج بڻيل، ٺيڪا من پسند ماڻهن کي ڏئي ڪروڙين روپيا ڪرپشن ڪرڻ لڳو، ڳوٺ ميوو ڪلهوڙو ۽ کوڙو شريف جي اسڪيمن ۾ ناقص مٽيريل جي اجازت ڏيڻ تي رهواسين جو حق نواز مگسي خلاف احتجاج، آفيسر خلاف ڪاروائي جو مطالبو خبر موجب حق نواز مگسي سپريم ڪورٽ جا حڪم هوا ۾ اڏائي ڇڏيا آهن جنهن کي هڪ ئي وقت 4 ڊپارٽمينٽس هائي ويز ڊپارٽمينٽ، بلڊنگس ڊپارٽمينٽ، ايجوڪيشن ورڪس ڊپارٽمينٽ ۽ ڊسٽرڪٽ ڪائونسل اڻ اعلانيل رڪوري انچارج بڻيو ويٺو آهي جنهن جي خلاف ڳوٺ ميوو ڪلهوڙو ۽ کوڙو شريف جي رهواسين پاران روڊ جي اسڪيمن ۾ ٺيڪيدارن کي ناقص مٽيريل استعمال ڪرڻ سميت پيسا هڙپ ڪرڻ جي اجازت ڏيڻ خلاف احتجاج ڪيو ويو ان موقعي تي اڳواڻن عبدالرحيم راجپر، غلام مصطفي راجپر، نظير احمد ڪلهوڙ ، غلام مصطفي ڪلھوڙو ، محمد سلطان سولنگي، غلام قادر ساهيجو ۽ ٻين چيو ته حق نواز مگسي اسڪيمن جو ڪرتا ڌرتا بڻيل آهي جنهن اربين رپين جا 35 کان 40 ٺيڪا ذوالفقار شیخ سمیت پنھجن ویجھن رشتيدارن جي نالي الاٽ ڪري ڪروڙن روپين جا اڊوانس بل ٺيڪيدارن کي ڏئي ڇڏيا آهن پر ٺيڪيدار اسان جو ڳوٺن جو اسڪيمن ۾ ناقص مٽيريل استعمال ڪرڻ سان گڏوگڏ زبردستي اسان جي زمينن ۾ مان مٽي ڪڍي رهيا آهن جڏهن ته شڪايت ڪرڻ تي حق نواز مگسي ٺيڪيدارن کي سائيڊ وٺي اسان کي خاموش رهڻ جو ڌمڪيون ڏئي رهيو آهي جڏهن ته انجنير ھاء ويز ڊپارٽمينٽ مسرور سولنگي ۽ انجنير بلڊنگس ڊپارٽمينٽ علم الدين ڏاھري به سندس ڪرپشن ۾ ٻٽ بڻيل اٿس هنن چيو ته هڪ ته اسان وڏي مشڪل سان 15 کان 20 سالن کان پوء اسان پنهنجي ڳوٺن جو اسڪيمون منظور ڪرايون آهن پر ان جي باوجود اسڪيمن جا روڊن تي لڳائڻ بجاء حق نوقز مگسي ٺيڪيدارن سان گڏجي هڙپ ڪري رهيو آهي جيڪا اسان ڳاٺاڻن سان ناانصافي آهي جڏهن ته ٺيڪدار ديدا دليري سان اسان جي ڳوٺن ميوو خان ڪلھوڙو ۽ کوڙو شریف قبرستان ڏانھن ٺھندر روڊ ۾ ناقص ڀٿر، 2 نمبر سرون ۽ گهٽ مقدار ۾ ڊامبر استعمال ڪري رهيا آهن جڏهن ته مٽي ٻاهران گھرائڻ جي بجاء ويجهي زمينن ۽ قبرستان مان کڻي رهيا آهن جنهن جي ڪري قبرون به زبور ٿيڻ لڳيون آهن هنن مطالبو ڪيو ته فوري طور ڪرپٽ آفيسرن ۽ ٺيڪيدار جي خلاف ڪاروائي ڪري روڊ رستا صحيح ٺهرائي ڏنا وڃن ٻي صورت ۾ سخت احتجاج ڪيو ويندو.