نوشهروفيروز ۾ مورو واسڻ عورت جو مڙس سميت احتجاج

ڏيرن هفتو اڳ گهر ۾ گهڙي پٽ تي بدترين تشدد ڪيو: امينت مڱڻهار

نوشهروفيروز(د ر)نوشهروفيروز ۾ مورو واسي امينت مڱڻهار پنهنجي مڙس غلام مصطفا مڱڻهار سان گڏجي پريس ڪلب پهچي ڏيرن جي ظلمن خلاف احتجاجي مظاهرو ڪندي صحافين اڳيان دانهيندي چيو آهي ته ڏير ممتاز مڱڻهار ۽ ذوولفقار عرف مشو مڱڻهار هڪ هفتو اڳ گهر ۾ گهڙي مون تي ۽ منهنجي پٽ ذيشان تي وحشياڻو تشدد ڪيو آهي جنهن ۾ مان مرڻينگ ٿي وئي هيس مورو پوليس انهن کي گرفتار نه ٿي ڪري جيڪا وڏي زيادتي آهي هن چيو ته نياڻين جا سڱ نه ڏيڻ تان ڏيرن پلاٽ تي به قبضو ڪري ورتو آهي برسات سبب گهر ڊهي پيا هئا مان نياڻين وٽ رهندي هيس هاڻي جڳھ جا پئسا آيا آهن ته ڏير جاءِ ٺهرائڻ نه ٿا ڏين جيڪو ظلم آهي هن ايس ايس پي نوشھروفيروز سميت ٻين اعلا عملدارن کان ظالم ڏيرن خلاف قدم کڻي پلاٽ تان قبضو ختم ڪرائي انصاف ڪيو وڃي