نوشهروفيروز ۾ گريڊ هڪ کان 4 جي نوڪرين لاءِ انٽرويوز شروع

مختلف سرڪاري کاتن ۾ ڀرتي لاءِ شروع ٿيل انٽرويوز 9 مئي تائين جاري رهندا

نوشهروفيروز(ڊ ر)گريڊ 1 کان 4 تائين آسامي لاءِ انٽرويوز جو شيڊول جاري ڊپٽي ڪمشنر آفيس نوشهروفيروز طرفان مختلف سرڪاري کاتن ۾ بي پي ايس-01 کان بي پي ايس-04 (BPS-01 to BPS-04) تائين خالي آسامين تي ڀرتي لاءِ ڊسٽرڪٽ سليڪشن ڪميٽي جي انٽرويوز جو باقاعده شيڊول جاري ڪيو ويو آهي، جاري ڪيل نوٽيفڪيشن موجب انٽرويوز جو سلسلو 29 اپريل 2026 کان شروع ٿي 09 مئي 2026 تائين جاري رهندو، جنهن ۾ 29 اپريل تي بلڊنگز ڊويزن، پبلڪ هيلٿ انجنيئرنگ (O&M)، پولٽري پروڊڪشن ۽ ايجوڪيشن ورڪس ڊويزن جا انٽرويوز لاڳاپيل آفيسن ۾ منعقد ٿيندا، 30 اپريل ۽ 01 مئي تي هاءِ ويز ڊويزن نوشهروفيروز جا انٽرويوز صبح 9 وڳي کان شام 5 وڳي تائين ٿيندا، 04 مئي تي لائيو اسٽاڪ ۽ اينمل هسبنڊري جا انٽرويوز رکيا ويا آهن، 05 کان 07 مئي تائين پراونشل هاءِ ويز ڊويزن جا انٽرويوز ٿيندا، جڏهن ته 08 ۽ 09 مئي تي پبلڪ هيلٿ انجنيئرنگ (DEV) لاءِ اميدوارن جا انٽرويوز ورتا ويندا، سڀني اميدوارن کي هدايت ڪئي وئي آهي ته هو مقرر ڪيل تاريخ ۽ وقت تي پنهنجي لاڳاپيل کاتن جي آفيسن ۾ لازمي طور تي پهچن۔