ملير ۾ خانگي ڪمپني ورهين کان ڊيوٽي ڪندڙ 19 پڪن ملازمن کي ڪڍي ڇڏيو

برطرف ملازمن ڪمپني انتظاميه خلاف رزاق آباد ۾ قومي شاهراهه کان عوامي پريس ڪلب تائين ريلي ڪڍي احتجاج ڪيو

ملير (رپورٽ: عبدالرشيد مورجھريو)خانگي ڪمپني ۾ پندرهن سالن کان ڪم ڪندڙ 19پڪا ملازمن بنا جواز نوڪرين مان خارج،ملازمن جو ڪمپني انتظاميا خلاف رزاق آباد ۾ قومي شاهراھ کان عوامي پريس ڪلب ملير تائين احتجاجي ريلي،مظاهرو ۽ ڌرڻُو،روزگار تي بحال ڪرڻ جو مطالبو ،ڪمپني مالڪ مداخلت ڪري غيرقانوني بيدخلي ختم ڪرائي جيڪڏهن ٻن ڏينهن اندر ملازمت تي بحال نه ڪيو ويو ته ڪمپني گيٽ اڳيان سوين ملازمن سان گڏجي ڌرڻو هڻنداسين اڳواڻن طرفان اعلان تفصيل موجب بن قاسم صنعتي علائقي ۾ موجود خانگي ڪمپني ۾ پندرهن سالن کان ڪم ڪندڙ 19پڪن ملازمن کي انتظاميا بنا ڪنهن جواز جي نوڪرين مان خارج ڪري سندن لاءِ گيٽ بند ڪري ڇڏيو آهي اهڙي عمل خلاف ملازمن صدرالدين سولنگي،برڪت علي سولنگي،ممتاز مستوئي،عبدالحڪيم،بخت ولي جي اڳواڻي ۾ نيشنل فوڊ ڪمپني انتظاميا خلاف رزاق آباد ۾ قومي شاهراھ کان عوامي پريس ڪلب ملير تائين احتجاجي ريلي ڪڍي مظاهرو ڪري ڌرڻُو هنيو احتجاج ڪندڙ ملازمن جي هٿن ۾ پلي ڪارڊ ۽ بينر هئا ۽ هو نيشنل فوڊ ڪمپني ۾ روزگار تي بحال ڪريو،ملازمن جون بي دخليون بند ڪريو جا نعرا هڻي رهيا هئا ان موقعي تي ملازمن جو چوڻ هو ته نيشنل فوڊ ڪمپني مالڪ ڪجھ آفيسرن جي ظلم خلاف مادخلت ڪري اسان پندرهن سالن کان ڪم ڪندڙ پڪن ملازمن جي غيرقانوني بيدخلي ختم ڪرائي هنن چيو ته ٻه مهينا اڳ تعصبي ۽ ملازم دشمن آفيسرن اوچتو اسان کي هيڊ آفيس موڪليو جتي اسان اڳيان استعفائن جا ڪاغز رکي زوري صحيحون وٺڻ جي ڪوشش ڪئي وئي جنهن کان اسان ناڪر ڪيو ۽ پنهنجو ڏوھ پڇيو اسان جون پگهارونروڪي گيٽ کان بند ڪيو ويو آهي اسان مسلسل احٽجاج ڪري در بدر ٿي رهيا آهيون بيروزگاري ۽ پگهارن جي بندش ڪري گهرن ۾ فاڪاشي جهڙِ صورتحال آهي هنن اعلان ڪيو ته جيڪڏهن ٻن ڏينهن اندر ملازمت تي بحال نه ڪيو ويو ته نيشنل فوڊ ڪمپني گيٽ اڳيان سوين ملازمن سان گڏجي ڌرڻو هڻندا سين یگ