پی ٹی آئی پر پابندی لگانے سے متعلق کوئی بات چیت نہیں ہوئی، مریم اورنگزیب

views | 11th May 2023 • پاکستان

لیکن جو لوگ ملک پر حملہ آور ہوں گے اُن کے خلاف قانونی کارروائی کی جائے گی

پی ٹی آئی پر پابندی لگانے سے متعلق کوئی بات چیت نہیں ہوئی، مریم اورنگزیب

وفاقی وزیراطلاعات مریم اورنگزیب کا کہنا ہے کہ پاکستان تحریک انصاف پر پابندی لگانے سے متعلق کوئی بات چیت نہیں ہوئی لیکن جو لوگ ملک پر حملہ آور ہوں گے اُن کے خلاف قانونی کارروائی کی جائے گی۔ مریم اورنگزیب نے کہا کہ تحریک انصاف نے سوچی سمجھی منصوبہ بندی کے تحت کارکنوں کو اُکسا کر مختلف اداروں پر حملہ کرنے کے لیے بھیجا، یہ کوئی سیاسی احتجاج نہیں۔ انہوں نے کہا کہ عمران خان کی گرفتاری سیاسی انتقام نہیں، سیاسی فائدہ اٹھانا ہوتا توہم سوا سال تک انتظار نہ کرتے بلکہ جس وقت یہ سائفر کی سازش کر رہے تھے تو ان کو اُسی وقت گرفتار کرلیتے ۔