ميرپورساڪرو ويجھو پل ڊھڻ سبب لوھھ جي چوري جي ڪوشش ناڪام

ٺٽو( شفيق ڀٽي) گذريل رات دير سان ميرپور ساڪرو ويجھو جام ساڪرو آئوٽ فار ڊرين ڪڪڙانڊ جي ريگيوليٽر جو پيل پراڻو لوھ رات وچ ۾ نامعلوم چورن پاران وڏي ديدہ دليري سان ھڪ ٽرڪ ۾ لوڊ ڪري گاڏي کي ريگيوليٽر جي پل مٿان چاڙھيو تہ زبون حال پل گاڏين ۾ پيل لوھ جو وزن برادشت نه ڪرڻ سبب ڌماڪي سان ڊھي پٽ پئجي ويئي، جنھن ڪري وزندار ٽرڪ ڦاسڻ ڪري چورن ٽرڪ کي لوھ سان ڀريل ڇڏي فرار ٿي ويا، بڌايو پيو وڃي تہ ھن ٿيندڙ چوري ۾ ڊرينج کاتي جا عملدار ۽ عملو بہ ملوث ٿي سگھي ٿو، مقامي رھواسين وحيد رند ۽ ٻين ايس ايس پي ٺٽو، آء جي سنڌ، ڊي آء جي حيدرآباد سميت لاڳاپيل کاتي جي عملدارن کان مطالبو ڪيو آھي تہ فورن ھن عمل جو ٽوٽيس وٺي سرڪاري لوھ ميٽريل جي چوري ۾ ملوث چورن، انھن جي ساٿاري بااثرن توڙي انھن جي سھولتڪارن خلاف ڪاروائي ڪري سرڪاري سامان جي ٿيندِڙ چورين کي ٻنجو ڏيئي سرڪار کي وڌيڪ نقصان کان بچايو وڃي.