سجاول ويجھو ڪيترن ئي اسڪولن جون عمارتون زبون حالي جو شڪار
عبدالرشيد ماڇي اسڪول جي عمارت تباھھ حال ھئڻ سبب ٻارڙا وڻ ھيٺان تعليم پرائڻ تي مجبور
سجاول (گلشيرميربحر) سجاول ضلعي ۾ تعليمي ادارن جو برا حال آھن، سوين اسڪول زبون حال ھئڻ سان گڏ ڪيترا اسڪول بند ھئڻ ڪري ھزارين جي تعداد ۾ ٻارڙا تعليم جي زيور کان محروم، سجاول ويجهو عبدالرشيد ماڇي اسڪول زبون حال جو شڪار ھئڻ ڪري معصوم شاگرد وڻن ھيٺان ويھي تعليم پرائڻ تي مجبور سجاول ويجهو عبدالرشيد ماڇي اسڪول زبون حال ھئڻ ڪري 60 کان مٿي شاگرد ۽ شاگردياڻيون اسڪول جي عمارت ڀرسان وڻن ھيٺ پٽ تي ويهي تعليم پرائڻ تي مجبور بڻيل آهن، روزانو ايندڙ شاگردن کي اسڪول جي عمارت نه ھئڻ ڪري وڏي مشڪلاتن کي منهن ڏيڻو پوي ٿو، ٻئي طرف ڳوٺ سانوڻ ڪنڊرا جي پرائمري اسڪول گذريل 8 سالن کان بند ھئڻ ڪري ٻار تعليم جي زيور کان محروم آھن، ڳوٺاڻن لاڳاپيل اداري جي اعلا آفيسرن کان اسڪول جي عمارت سميت ٻين سھولتن جو مطالبو ڪيو آهي