ڀارتي جيلن مان آزادي ماڻيندڙ ماهيگيرن جي وارثن جي چيئرپرسن فاطمه مجيد سان ملاقات
فشرمينز ڪوآپريٽو سوسائٽي وڌيڪ قيد پاڪستاني ماهيگيرن جي آزادي لاءِ ڪردار ادا ڪندي: فاطمه مجيد
ملير (رپورٽ: عبدالرشيد مورجھريو)سنڌ جي سامونڊي پٽي سان تعلق رکندڙ، ڀارتي جيلن مان آزاد ماڻي لاهور پهتل پاڪستاني ماهيگيرن جي وارثن گذريل ڏينهن فشرمينز ڪوآپريٽو سوسائٽي جي چيئرپرسن فاطمه مجيد سان ملاقات ڪئي ان موقعي تي فاطمه مجيد وارثن کي مبارڪباد ڏيندي چيو ته جڏهن آزاد ٿيل ماهيگير ڪراچي پهچندا ته انهن جي شاندار آجيان ڪئي ويندي هن وڌيڪ چيو ته ڀارتي جيلن ۾ قيد باقي پاڪستاني ماهيگيرن جي جلد رهائي لاءِ فشرمينز ڪوآپريٽو سوسائٽي پنهنجو ڀرپور ڪردار ادا ڪندي، جيئن اهي به جلدي پنهنجي وارثن وٽ موٽي سگهن۔چيئرپرسن فاطمه مجيد يقين ڏياريو ته فشرمينز ڪوآپريٽو سوسائٽي ڀارتي جيلن ۾ قيد ماهيگيرن جي وارثن سان هر ممڪن سهڪار جاري رکندي۔