بھارتی اینکر کی طوفان کی رپورٹنگ میں اوور ایکٹنگ، جوہی چاؤلہ نے اپنی فلم کا کلپ شیئر کردیا

سمندری طوفان بپر جوائے کی رپورٹنگ کے دوران گرنے پڑنے اور لہرانے کے طوفانی انداز پر بھارتی اینکر کی طوفانی اوور ایکٹنگ پر سوشل میڈیا صارفین کی جانب سے طنز ومزاح کا سلسلہ جاری ہے۔ گزشتہ روز بھارتی نیوز چینل ری پبلک کی اینکر شویتا ٹریپاتھی کی ویڈیو سوشل میڈیا پر وائرل ہوگئی تھی۔ ویڈیو میں وہ طوفان کی رپورٹنگ کے دوران گرنے پڑنے اور لہرانے کی ایکٹنگ کر رہی ہیں۔ اب بھارتی اداکارہ جوہی چاؤلہ نے اپنی فلم ‘پھر بھی دل ہے ہندوستانی‘ کا ایک کلپ شیئر کیا جس میں وہ طوفان کی رپورٹنگ کی ایکٹنگ کر رہی ہیں۔ اداکارہ کی جانب سے فلم کا کلپ شیئر کرنے کے بعد میمز کا طوفان آگیا اور ان کی پوسٹ پر طرح طرح کے میمز شیئر کیے جا رہے ہیں۔