ملير: پورٽ قاسم لڳ خانگي فيڪٽري ۾ گئس پائپ لائين ڌماڪي سان ڦاٽي پئي، 2پورهيت فوت، 4ڄڻا زخمي
ڌماڪي ۾ 40ورهين جو ناظم پٽ پٺاڻ خان & 45 ورهين جو ڪامران فوت ٿي ويا
ملير (رپورٽ: عبدالرشيد مورجھريو) پورٽ قاسم لڳ خانگي فيڪٽري ۾ گئس پائپ لائين ڌماڪي سان ڦاٽي پئي، 02 پورهيت فوت، 04 ڄڻا زخمي، جناح اسپتال منتقل، تفصيل موجب ملير جي علائقي پورٽ قاسم لڳ قائم خانگي فيڪٽري ۾ ڪالھ اوچتو گئس پائپ لائين ڌماڪي سان ڦاٽي پئي جنهن جي نتيجي ۾ 02 ڄڻا 40 ورهين جو ناظم پٽ پٺاڻ خان 45 ورهين جو ڪامران پٽ نامعلوم فوت ٿي ويا جڏهن ته تنوير، 38 ورهين جي نامعلوم ۽35 ورهين جي نامعلوم سميت 4 ڄڻا زخمي ٿي پيا, فيڪٽر انتظاميا فوتي ۽ زخمين کي اسپتال منتقل ڪيو ان سلسلي ۾ پورهيتن ٻڌايو ته لائن ۾ اوچتي ڌماڪي سبب پورهيتن ۾ ڀاڄ پئجي وئي هئي جڏهن ته سيفٽي جا مڪمل انتظام نه هجڻ ۽ زخمين کي فوري طور اسپتال منتقل نه ڪرڻ سبب جاني نقصان ٿيو اهي ان حوالي سان فيڪٽري انتظاميا سان رابطي جي ڪوشش ڪئي پر هن فون رسيو نه ڪيو