مچل اسٹارک آئی پی ایل کی تاریخ کے مہنگے ترین کھلاڑی بن گئے

آسٹریلوی کرکٹ ٹیم کے فاسٹ بولر مچل اسٹارک آئی پی ایل کی تاریخ کے مہنگے ترین کھلاڑی بن گئے۔ آئی پی ایل سیزن 2024 کے لیے دستخط کی تقریب 19 دسمبر کو ہوئی جس میں فرنچائز نے اپنی ٹیم کے لیے بہترین کھلاڑیوں کو کروڑوں روپے میں خریدا۔ آئی پی ایل میں سن رائزرز حیدرآباد نے حال ہی میں آئی سی سی ورلڈ کپ جیتنے والی ٹیم کے کپتان پیٹ کمنز کو 20.5 کروڑ روپے میں خریدا، جس کے بعد کمنز آئی پی ایل کی تاریخ کے سب سے مہنگے کھلاڑی بن گئے۔ لیکن کمنز کا ریکارڈ منٹوں میں ٹوٹ گیا اور شاہ رخ خان کی فرنچائز کلکتہ نائٹ رائیڈرز نے مچل اسٹارک کو ریکارڈ 24 کروڑ 75 لاکھ بھارتی روپے میں خرید کر سب کو حیران کردیا۔