بلوچستان مان اغوا ٿيل سعيد ميمڻ جي بازيابي لاءِ نوشهروفيروز ۾ ريلي
ڊسٽرڪٽ بار کان جڊيشل ڪامپليڪس جي مين گيٽ تائين وڪيلن ۽ سعيد ميمڻ جي مائٽن ريلي ڪڍي احتجاج ڪيو
نوشهرو فيروز(ڊ ر)سعيد ميمڻ جي بازيابيءَ لاءِ ڊسٽرڪٽ بار نوشهرو فيروز کان جڊيشل ڪامپليڪس جي مين گيٽ مورو روڊ تائين وڪيلن ۽ سعيد ميمڻ جي مِٽن مائٽن جي احتجاجي ريلي، سنڌ بار ڪائونسل جي ميمبر عبدالستار لُهراڻيءَ جي اڳواڻي ۾ نڪتي، جنهن ڊسٽرڪٽ بار جي جنرل سيڪريٽري شوڪت ٻوهيو، بار جي اڳوڻي صدر عبدالرحيم عباسي، صدر پريس ڪلب يونس راڄپر، اعظم ميمڻ، ثناءُ اللّٰه جويو، اشفاق احمد تڳر، ايم ظفر تڳر، انيس احمد ميمڻ، اختر ڀريجو، عبدالوحيد ملڪ، اصغر بروهي، عبدالڪريم لهراڻي، زبير امجد ميمڻ، طارق جوکيو، ۽ ٻين وڪيلن، صحافين ۽ سول سوسائٽيءَ شرڪت ڪئي، جن سعيد ميمڻ جي بازيابيءَ لاء سخت نعري بازي ڪئي ۽ مطالبو ڪيو تہ سنڌ جي اديب، شاعر، دانشور ۽ ريٽائر آفيسر سعيد ميمڻ کي بلوچستان جي اغواڪارن جي چنبي مان جلد از جلد بازياب ڪرايو وڃي. عبدالستار لهراڻي چتاءُ ڏنو ته اسان کي مجبور نه ڪيو وڃي ته اسان ريلوي ٽريڪ بند ڪيون