ڍورو نارو ويجهو نوجوان پاران مبينا طور پاڻ کي باهه ڏئي آپگهات جي ڪوشش
26ورهين جي چندر ڪولهي گهرو اڻبڻت تان پاڻ تي پئٽرول هاري باهه ڏئي ڇڏي: وارث
عمرڪوٽ (ڊ ر) ڍورونارو ويجهو ڳوٺ کنڀرو جي رهواسي 26 ورهين جي نوجوان چندر پٽ سونو ڪولهي گهرو اڻبڻت سبب انتهائي قدم کڻي پنهنجي مٿان پيٽرول هاري باهه ڏئي ڇڏي، جنهن جي نتيجي ۾ نوجوان جو ستر سيڪڙو جسم سڙي چڪو آهي، واقعي بعد وارثن ۽ ڳوٺاڻن زخمي نوجوان کي ترت رورل هيلٿ سينٽر ڍورونارو منتقل ڪيو، جتي ڊاڪٽرن ابتدائي طبي امداد فراهم ڪئي، نوجوان جي حالت ڳڻتي جوڳي هئڻ سبب کيس وڌيڪَ علاج لاءِ حيدرآباد ريفر ڪيو ويو آهي، ڊاڪٽرن موجب نوجوان جي حالت انتهائي نازڪ آهي، جڏهن ته واقعي سبب ڳوٺ ۾ ڏک ۽ خوف جي لهر ڇانيل آهي، پوليس واقعي بابت وڌيڪَ جاچ ڪري رهي آهي.