جنوبی افریقہ کی خواتین کرکٹرز کراچی میں خریداری میں مصروف، تصاویر وائرل

کراچی (ویب ڈیسک) جنوبی افریقہ کی خواتین کرکٹ ٹیم کی کھلاڑیوں کی کراچی میں خریداری کی تصاویر سوشل میڈیا پر وائرل ہو رہی ہیں۔ پی سی بی کی جانب سے جنوبی افریقی کھلاڑیوں کے لیے خریداری کا انتظام کیا گیا، دونوں ٹیمیں ٹی ٹوئنٹی سیریز کے بعد آرام کر رہی ہیں۔ پاکستان اور جنوبی افریقہ ویمنز کے درمیان تین ون ڈے میچوں کی سیریز کا آغاز 8 ستمبر سے ہو گا۔ یاد رہے کہ پاکستان ویمن ٹیم نے جنوبی افریقہ کو ٹی ٹوئنٹی سیریز میں کلین سویپ کیا تھا۔