ملير: ابراهيم حيدري ۾ فوت ٿيل 5 ڄڻن جي سوين آلين اکين سان تدفين

گذريل ڏينهن پاڻي جي ٽانڪي صاف ڪندي حياتيون وڃائيندڙ شهزاد، نويد، سنيل، ڪامران ۽ شعبان جي اباڻي قبرستان ۾ تدفين

ملير (رپورٽ: عبدالرشيد مورجھريو) ابراهيم حيدري هڪ ئي ڏينهن فوت ٿيل 5 ڄڻن جا مڙه کڄن تي علائقي مان سوڳ، سوين آلين اکين سان فوتین جی مقامي قبرستان ۾ تدفين، جنازي نماز ۾ ڊپٽي ميئر سلمان عبدالله مراد کان سوا علائقي مان ڪنهن به چونڊيل ايم اين اي، ايم پي اي ٽائون ۽ يوسي چيئرمين شرڪت نه ڪئي تفصيل موجب ابراهيم حيدري ۾ گذريل ڏينهن پاڻي ٽانڪي صاف ڪندي 5 ڄڻا حياتي وڃائي ويٺا هئا جن ۾ شھزاد ولد احمد شادي شده ھيو هن جي هڪ 8 مهينن جي نياڻي ۽ گهر واري، نويد ولد سخي محمد ٻه پٽ هڪ گهر واري، سنيل ولد جاويد ھڪ پٽ ۽ نياڻي گهرواري، 19 ورهين جو ڪامران غير شادي شده پنهنجا والدين، 16 ورهين جو شعبان غير شادي شده پنهنجا والدين سوڳوار ڇڏيا آهن ڪالھ جڏهن هڪ ئي ڏينهن پنجن ڄڻن جا مڙه کنيا ويا ته پوري علائقي مان سوڳ ڇائنجي ويو سوين آلين اکين سان فوتين جي جنازي نماز ادا ڪرڻ بعد ابراهيم حيدري قبرستان جي تدفين ڪئي وئي جنهن م علائقي جي ڪنهن به چونڊيل ايم اين اي، ايم پي اي ٽائون چيئرمين سميت يوسي چيئرمين شرڪت نه ڪئي جڏهن رڳو ڊپٽي ميئر ڪراچي سلمان عبدالله مراد بلوچ موجود هو اهڙي عمل تي فوتين جي وارثن ۽ علائقي واسين حيرت افسوس ۽ ڏک جو اظهار ڪيو فوتين جي وارثن سان علائقي واسين طرفان دلي همدردي جو اظهار ڪيو پيو وڃي فوتين متعلق چيو وڃي ٿو هو ڪرائي تي ڏنل گهر خالي ٿيڻ کان پوئي رضاڪارانا بنياد تي زميني پاڻي ٽانڪي صفائي ڪئي پئي ويئي ته هي انڌو ناڪ حادثو سامهون آيو