ملير: ڌڻي پرتو ڳوٺ ۾ پاڪستان پبلڪ اسڪول ۾ سالياني امتحانن ۾ پوزيشن ماڻيندڙ شاگردن ۽ شاگردياڻين ۾ ايوارڊ ورهائڻ واري تقريب

پبلڪ اسڪول جو ايڊمنسٽريٽر راجه محمد وسيم ، پرنسپال ميڊم مسز وسيم، استاد به شريڪ

ملير(رپورٽر)ملير جي ڌڻي پرتو ڳوٺ ۾ پاڪستان پبلڪ اسڪول پاران سالانه امتحان ۾ پوزيشن حاصل ڪندڙ شاگردن ۽ شاگردياڻين ۾ ايوارڊ ورھائڻ واري تقريب منعقد ڪئي وئي جنھن ۾ پاڪستان پبلڪ اسڪول جي ايڊمنسٽريٽر راجه محمد وسيم ، پرنسپال ميڊم مسز وسيم ۽ اسڪول جي استادن سميت شاگردن ۽ شاگردياڻين جي والدين سميت سماجي اڳواڻن وڏي تعداد ۾ شرڪت ڪئي ايوارڊ تقريب کي خطاب ڪندي ايڏمنسٽرٽر راجه محمد وسيم پرنسپال مسز وسيم چيو ته پاڪستان پبلڪ اسڪول علائقي جي شاگردن ۽ شاگردياڻين کي معياري تعليم ڏيڻ لاء ھر ممڪن ڪوششون ڪري پيو ۽ اسان چاھيون ٿا ته تعليم سان گڏ نياڻين کي ھنري سکيا ۽ ڪوڪنگ م به ايسڪپرٽ ھجڻ گھرجي ان لاء پاڪستان پبلڪ اسڪول طرفان جلد ھنري سکيا مرڪز ۽ ڪوڪنگ سينٽر پڻ کوليو ويندو ته جيئن نياڻيون تعليم سان گڏ ھنر مند بڻجي پنھنجو مستقبل خوشحال ڪري سگھن پاڪستان پبلڪ اسڪول ۾ پھرئين درجي کان ستين درجي تائين جي سالياني امتحان ۾ پوزيشن کڻندڙ شاگردن ۽ شاگردياڻين کي ميڊل سرٽيفڪيٽ ۽ ٽرافيون ڏئي انھن جي حوصله افزائي ڪئي وئي