ٽنڊو آدم ۾ سنڌو درياهه مان ڪئنال ڪڍڻ خلاف قومي عوامي تحريڪ جي احتجاجي ريلي

سانگهڙ (حسنين عاشق ساند) سنڌو درياهه مان ڪئنال ڪڍڻ خلاف قومي عوامي تحريڪ جي احتجاجي ريلي۔ پريس ڪلب آڏو احتجاج نعريبازي رپوٽ موجب سنڌو درياهه مان ڪئنال ڪڍڻ خلاف قومي عوامي تحريڪ پاران ضلعي صدر زبير ماڪوڙاڻي، امجد اسلام، حاجي محمد علي ماڪوڙاڻي، اسامه، جاويد، عبالقيوم ۽ طارق ماڪوڙاڻي جي اڳواڻي ۾ محمدي چوڪ کان پريس ڪلب تائين احتجاجي ريلي ڪڍي وئي، ريلي ۾ شريڪ ماڻھن جي هٿن ۾ بينر ۽ پلي ڪارڊ هئا جن تي ڪئنالن خلاف نعرا لکيل هئا ۽ اهي ڪئنالن جي تعمير خلاف اڀ ڏاريندڙ نعرا هڻي رهيا هئا. احتجاجي ريلي کي زبير ماڪوڙاڻي ۽ ٻين خطاب ڪندي چيو ته سنڌو درياهه سنڌ جي زندگي آهي، ان مان غير قانوني طريقي سان ڪئنال ڪڍڻ سنڌ جي حقن تي ڌاڙو آهي، جيڪو ڪنهن به صورت ۾ قبول نه ڪيو ويندو. اڳواڻن چيو ته پ پ جي صدر ڪئنالن جي منظوري ڏني ۽ هاڻي ڊرامي بازي ڪئي پئي وڃي عوام هاڻي سڀ سمجهي ويئي آهي پاڻي چوري ڪرڻ جي ڪوشش ڪئي وئي ته سڄي سنڌ ۾ احتجاجن جو طوفان اٿندو ۽ سمورا رستا بند ڪيا ويندا. هنن مطالبو ڪيو ته فوراً اهڙي منصوبي تان هٿ کنيو وڃي، نه ته سنڌ جو عوام پنهنجي درياهه، زراعت، معيشيت ۽ حقن لاءِ هر حد تائين ويندو.