قمبر ويجهو شادي کان انڪار تان ماسترياڻي مڱيندي هٿان قتل

ڳوٺ راهوجا ۾ اسڪول کان گهر ويندڙ صدف حاصلو مڱيندي پوليس اهلڪار فريد حاصلو هٿان قتل

قمبر (رپورٽر) قمبر ويجهو شادي کان انڪار تي ماسترياڻي مڱيندي هٿان قتل ٿي وئي، خبر موجب قمبر ويجهو ڳوٺ راهوجا ۾ پرائمري ماسترياڻي 29ورهين جي صدف حاصلو اسڪول کان گهر وڃي رهي هئي ته سندس مڱيندي پوليس اهلڪار فريد حاصلو مٿس فائرنگ ڪري قتل ڪري ڇڏيو، جوابدار جي فائرنگ ۾ هڪ واٽهڙو به زخمي ٿي پيو، مقتولا جو لاش اسپتال منتقل ڪيو ويو جتان پوسٽ مارٽم بعد وارثن حوالي ڪيو ويو، مقتولا جي ڀاءُ رضوان جو چوڻ هو ته صدف حاصلو کي سندس مڱيندي پوليس اهلڪار فريد حاصلو گوليون هڻي قتل ڪيو ڪجهه سال اڳ ڀيڻ جو فريد حاصلو سان نڪاح ٿيو هو، هينئر صدف ساڻس شادي نه پئي ڪرڻ چاهي، ڀيڻ خلع لاءِ عدالت ۾ درخواست به داخل ڪرائي هئي، جنهن جي 13 اپريل تي تاريخ رکي هئي، ڀيڻ 7مهينا اڳ آءِ بي اي ٽيسٽ پاس ڪري ماسترياڻي ٿي هئي، اسڪول مان واپس اچي رهي هئي ته کيس قتل ڪيو ويو. ٻي طرف پوسٽ مارٽم ڪندڙ ڊاڪٽرياڻي جو چوڻ هو ته مقتولا کي پسٽل جون 4 گوليون لڳل آهن، لاش پوسٽ مارٽم بعد وارثن حوالي ڪيو ويو آهي