نوشهروفيروز: اڳوڻو وفاقي وزير غلام مرتضيٰ جتوئي هٿڪڙيون هڻي اي ٽي سي ۾ پيش، جيل ڀيڙو

غلام مرتضيٰ جتوئي خلاف باڊهه ۽ ڏوڪري ٿاڻن تي وڌيڪ 2 ڪيس ظاهر ڪيا ويا

نوشهروفيروز(ڊر )اڳوڻي وفاقي وزير، اين پ پ سربراهه غلام مرتضي جتوئي کي نوابشاهه جي بي سيڪشن ٿاڻي مان بڪتر بند گاڏي ۾ هٿڪڙيون هڻي نوشهروفيروز ۾ قائم دهشتگردي جي انت واري عدالت ۾ پيش ڪيو ويو، عوام مرتضي جتوئي جي عدالت ۾ پيشي کان اڳ نوشهروفيروز ۽ نوابشاهه ضلعن جي وڏي پوليس نفري عدالت ٻاهران مقرر ڪئي وئي هئي جڏهن ته سوين ڪارڪن پڻ عدالت ٻاهران پهچي ويا. دهشتگردي جي انت واري عدالت غلام مرتضي جتوئي جي ضمانت تي فريادي ڌر پاران وقت گهرڻ تي عدالت ٻڌڻي 20 فبروري سڀاڻي تائين ملتوي ڪندي غلام مرتضي جتوئي کي جيل حوالي ڪرڻ جو حڪم ڏنو.هوڏانهن غلام مرتضي جتوئي جي خلاف ڏوڪري ۽ باڊهه ۾ پوليس مقابلي ئي ڊيوٽي اٽڪاء جا ڪيس پڻ داخل ڪيا ويا آهن، پوليس اهڙيون ايف آء آرون پڻ عدالت ۾ پيش ڪيون. هوڏانهن غلام مرتضي جتوئي جي عدالت ۾ حاضري کان اڳ نوشهروفيروز، نوابشاهه ۽ لاڙڪاڻي پوليس جا وڏا اٽالا عدالت ٻاهران بيٺل رهيا. شهر مان گذرندڙ پڊعيدن روڊ کي پوليس بند ڪري ڇڏيو. عدالت ٻاهران ضلعي جي مختلف شهرن کان اين پ پ جا سوين ڪارڪن پڻ پهتل هئا جيڪي پوليس خلاف نعري بازي ڪري رهيا هئا. هوڏانهن عدالت ٻاهران ميڊيا سان ڳالهائيندي اڳوڻي صوبائي وزير ۽ غلام مرتضي جتوئي جي ننڍي ڀاء مسرور خان جتوئي چيو ته هاء ڪورٽ جو حڪم آهي ته غلام مرتضي ۽ سندس خاندان خلاف ڪابه ايف آء آر داخل ڪرڻ اڳ عدالت کان اجازت وٺڻ گهرجي پر هتي پوليس وٽ ڪوبه قانون ڪونهي. هن چيو ته پوليس هاء ڪورٽ جي حڪمن کي نظرانداز ڪندا غلام مرتضي جتوئي خلاف وڌيڪ ڪوڙا ڪيس داخل ڪيا آھن جن خلاف عدالت جو در کڙڪائيداسين. هن چيو ته پيپلز پارٽي وارن جيڪي به قانون جا ڪتاب آهن انهن کي هڪ ئي ٽيبل تي رکي باهه ڏئي ساڙي ڇڏيو آهي، هتي ڪوبه قانون ڪونهي، پر ان جي باوجود اسان کي عدالتن مان انصاف جي اميد آهي جنهن ڪري عدالتن سان رجوع ڪيون ٿا، سرڪار جون انتقامي ڪارروايون اسان کي جهڪائي نه ٿيون سگهن.