ڏوڪري ۾ شاهين پبلڪ اسڪول ۽ ٽيلينٽ انگلش اڪيڊمي پاران والدين جو ڇهون ڏهاڙو ملهايو ويو

معاشري ۾ بهترين والدين بڻجڻ لاءِ پنهنجي ٻارن جي بهتر کان بهتر پرورش ڪرڻ لازمي آهي: مقرر

ڏوڪري (رپورٽر) ڏوڪري ۾ شاهين پبلڪ اسڪول ۽ ٽيلينٽ انگلش اڪيڊمي پاران مڱريا شادي ھال ۾ والدين جو ڇهون ڏهاڙو ملهايو ويو، جنهن ۾ رنگا رنگ تقريب دوران پروگرام ۾ چوڏهن چنڊ لڳي ويا، تقريب ۾ ٽي او پرائمري محمد عثمان کوکر استاد عبدالوحيد، پروفيسر گلاب سومرو، محمد جمن ٻگهيو، اقبال احمد جعفري، سماجي ورڪر صداقت علي جوڻيجو، اسڪول انتظاميہ سميت شاگردن جڏهن تہ شهرين کان علاوه والدين وڏي انگ ۾ شرڪت ڪئي، والدين جي موجودگي ۽ شاندار پروگرام ۾ شاگردن پاران پاڪستان جي تراني تي پرفارمنس سميت لطيف جا بيت، تقريرون، ۽ تيبلوز پيش ڪيا ويا، جڏهن تہ آيل مهمانن توڙي صحافين کي اجرڪ جا تحفا ۽ گلدستا پيش ڪيا ويا، ان موقعي تي محمد عثمان کوکر، عبدالوحيد، گلاب سومرو، اقبال احمد جعفري، صداقت علي جوڻيجو، اسڪول پرنسيپال ضمير حسين ميراڻي، ميل في ميل ٽيچر ۽ شاگردن خطاب ڪندي چيو تہ معاشري ۾ بهترين والدين بڻجڻ لاءِ پنهنجي ٻارن جي بهتر کان بهتر پرورش ڪرڻ لازمي آهي، ٻارن جي سٺي تربيت انهن جي تعليم بہ والدين جي فرض ۾ شمار ٿئي ٿي، هنن چيو پروگرام ڪرائڻ جو مقصد اهيو بہ آهي تہ شهرين والدين وچ ۾ سندن ٻارن جو ٽيلينٽ ڏيکارڻ آهي، هنن چيو اسڪول جي شاگردن توڙي ميل في ميل ٽيچرس پروگرام چوڏهن چنڊ لڳائيندي بهتر پرفارمنس ڪيو، پرنسيپال استاد ضمير حسين ميراڻي والدين کي اسٽيج تي گهرائي حوصلا افزائي ڪئي جڏهن تہ سندن گلن جا هار پارائي آنر ڏنو، هن چيو شهري وڌ ۾ وڌ اسانجي اسڪول ۾ پنهنجي ٻارن کي پڙهائڻ لاء داخل ڪرائڻ سان گڏ انهن جو ٽيلينٽ ڏسڻ لاء وزٽ ڪن، هن چيو والدين جي عالمي ڏينهن تي هر سال شهر اندر پروگرام ڪرايو ويندو.