ملير: شاهه لطيف ٿاڻي جي حد ۾ موبائيلن جي دڪان مان چوري

چور دڪان مان هڪ ڪروڙ، 11 لک 83 هزار 9 سو روپيا روڪ رقم کڻي ويا: متاثر

ملير (عبدالرشيد مورجھريو) ملير ۾ سال جي ٻي وڏي واردات سامهون اچي وئي، شاهه لطيف ٽائون ۾ موبائيلن جي دڪان مان هڪ ڪروڙ، 11 لک 83 هزار 9 سو روپيا روڪ رقم چوري، شاهه لطيف ٿاڻي تي ڪيس داخل، واقعي جي جاچ ڪري رهيا آھيون پوليس تفصيل موجب ملير ۾ چورن ڦورن رڻ ٻاري ڏنو آهي ملير ۾ سال جي وڏي چوري سامهون آئي آهي، شاھ لطيف ٽائون ۾ موبائيل دڪان مان گذريل رات چور هڪ ڪروڙ 11 لک 83 هزار 9 سئو رپيا روڪ رقم چوري ڪري ويا، شاهه لطيف ٿاڻي تي ڪيس داخل، ايڏي وڏي واردات سبب پوليس جا مٿي تي هٿ اچي ويا آهن، ان سلسلي ۾ دڪان مالڪ اسد جو چوڻ هو ته منهنجي دڪان تي پئسا پيل هئا دڪان جا تالا ٽوڙي چوري ڪئي وئي آهي دڪان اندر لڳل سي سي ٽي وي ڪئميرائون خراب پيل آهن، هن مطالبو ڪيو ته چورن خلاف ڪارروائي ڪري سندس چوري ٿيل رقم واپس ڪرائي وڃي، پوليس جو چوڻ هو ته چوري واقعي جي جاچ ڪري رهيا آهيون ايتري رقم دڪان ۾ پيل هئي ان جي مڪمل جاچ ڪئي پئي وڃي، ياد رهي ته ڪجهه ڏينهن اڳ گلشن حديد سي جي بنگلي مان شوروم مالڪ جي گهران ڦورو گھر ڀاتين کي يرغمال بڻائي سونا زيور ۽ 95 لک روڪ رقم ڦر ڪري فرار ٿي ويا هئا.