عمرڪوٽ ڀرسان ڳوٺ حويلي واسي نوجوان ٽن ڏينهن کان گم، وارثن جو احتجاجي مظاهرو

25ورهين جو رميش اوڏ گذريل ٽن ڏينهن کان پرسرار نموني گم آهي، جاچ باوجود سندس پتو نه پيو: وارث

عمرڪوٽ(رپورٽ:ڪانجي مل رکيسر)عمرڪوٽ ڀرسان ڳوٺ حويلي جو رهواسي 25 سالا نوجوان گذريل ٽن ڏينهن کان پرسرار نموني گم، وارثن جو احتجاج، اڳوڻي گهر واري تي اغوا ڪري گم ڪرڻ جو الزام خبر موجب عمرڪوٽ ڀرسان ڳوٺ حويلي ٺڪر جو رهواسي 25 سالا نوجوان رميش اوڏ گذريل ٽن ڏينهن کان پرسرار نموني گم ٿي ويو سندن گمشدگي تي وارثن طرفان عمرڪوٽ پريس ڪلب ٻاهران عورتن راڻي اوڏ, هريان اوڏ, ڪيولان اوڏ, ليمون اوڏ, چيلارام اوڏ ۽ ٻين جي اڳواڻي ۾ احتجاجي مظاهرو ڪيو جتي دانھيندي مظاھرين چيو ته اسانجو نوجوان رميش ڪمار اوڏ گذريل ٽن ڏينهن کان پرسرار نموني گم ٿيل آهي پڇا ڳڇا ڪرڻ جي باوجود نه ملي رهيو آهي اسانکي شڪ آهي ته نوجوان رميش ڪمار کي اڳوڻي گهر واري تاران اوڏ, جهوڙو اوڏ, لکمير اوڏ ۽ صفيل اوڏ اغوا ڪري کڻي ويا آهن اهو اغوا ڪرڻ جون ڌمڪيون به ڏيندا هئ پوليس واقعي جو نوٽيس وٺي نوجوان بازياب ڪرائي بيچني ختم ڪري ٻي پاسي الزام ھيٺ آيل جھوڙو اوڏ ۽ ٻين چيو ته نوجوان رميش اوڏ کي اسان نه اغوا ڪيو آهي نه اسانکي معاملي جي ڄاڻ آهي الزام هڻندڙ ڌر سان اسان جو ڪورٽ ۾ ڪيس هلندڙ آهي ۽ ڪورٽ فيصلو اسان جي حق ڏنو آهي هاڻي هي ڊرامو ڪري ڪوڙا بي بنياد الزام هڻي رهيا آهن