رستم: مهينو اڳ اغوا ٿيل پيرسن کي ڌاڙيلن ڀنگ نه ملڻ تي قتل ڪري ڇڏيو

ڳوٺ پھلوان ھڪڙو واسي مغوي پيرسن عبدالغفار ھڪڙي کي ڌاڙيلن ڀنگ نه ملڻ تي قتل ڪري ڇڏيو

رستم (رپورٽر) ڪچي ۾ مهينو اڳ اغوا ٿيل پيرسن کي ڌاڙيلن ڀنگ نه ملڻ تي قتل ڪري ڇڏيو، پوليس جو چوڻ هو ته ڪوٽ شاھو جي ڪچي مان ڳوٺ پھلوان ھڪڙو واسي مغوي عبدالغفار ھڪڙي جو لاش ھٿ ڪيو ويو. مغوي کي ڌاڙيلن پنجاھ لک رپيا ڀنگ نه ملڻ ڪري قتل ڪيو آھي، سندس وارثن کي ٻہ ڏينھن اڳ ڪال ڪري ڀنگ موڪلڻ جي ڌمڪي ڏني وئي ھئي مقتول مغوي جو لاش واقعي واري ھنڌ تان ڪوٽ شاھو پوليس کڻائي خانپور اسپتال منتقل ڪري ڇڏيو. مقتول مغوي جي عبدالغفار ھڪڙو ھجڻ طور سندس وارثن ڪشمير ھڪڙي ۽ ٻين پاران تصديق ڪئي وئ پوليس موجب مغوي کي ھڪ مھينو اڳ ڌاڙيل عورتاڻي آواز تي ھرکائي رستم گھرائڻ کانپوء ڪوٽ شاھو جي ڪچي مان اغوا ڪيو ھو، جنھن بعد لوڪيشن مان پتو پيو ھو تہ کيس شڪارپور ۽ پني عاقل جي گڏيل ڪچي گدپور ۾ رکيو ويو ھو.