سنڌ جي مختلف شهرن ۾ پ پ شهيد ڀٽو پاران تڪراري ڪئنالن خلاف احتجاجي مظاهرا

نوابشاهه، ڄامشورو، حيدرآباد، لاڙڪاڻو، جيڪب آباد، نوشهروفيروز سميت مختلف شهرن ۾ احتجاجي مظاهرا

ڪراچي/نوشهروفيروز (رپورٽرز وٽان) پ پ شهيد ڀٽو پاران تڪراري ڪئنالن خلاف نوابشاهه، ڄامشورو، حيدرآباد، لاڙڪاڻو، جيڪب آباد، نوشهروفيروز سميت مختلف شهرن ۾ احتجاجي مظاهرا ڪيا ويا، پ پ شهيد ڀٽو ضلع حيدرآباد پاران سنڌو تي ڪئنالن جي اڏاوت خلاف احتجاجي مظاهرو ڪيو ويو، احتجاج ۾ شامل ماڻهن پاران بينر ۽ پلي ڪارڊ کڻي ڪئنالن جي اڏاوت خلاف نعريبازي پ پ (ش ڀ) حيدرآباد جي صدر ارشاد خاصخيلي، پرويز بلوچ، جاويد بلوچ ۽ ٻين جي اڳواڻي ۾ پريس ڪلب سامهون احتجاج ڪيو ويو، جيڪب آباد ۾ پ پ شهيد ڀٽو پاران سنڌو درياهه جي پاڻي تي ڌاڙو هڻڻ خلاف احتجاجي مظاهرو پريس ڪلب آڏو ڌرڻو هنيو ويو، ڪارڪنن شهيد ڀٽو هائوس کان نديم قريشي، نور محمد منجهو، عبدالسميع سومرو جي اڳواڻي ۾ احتجاجي جلوس ڪڍيو پنجاب جا حڪمران سنڌ درياهه مان ڪئنال ڪڍي سنڌ کي بنجر بڻائڻ چاهين ٿا، سنڌ جي حڪمرانن اقتدار خاطر سنڌ جي پاڻي سميت معدني وسيلا وڪرو ڪري ڇڏيا آهن سنڌ جي پاڻي تي ڌاڙو منظور ناهي جيڪڏهن وفاق پنهنجو فيصلو تبديل نه ڪيو ته شهيد ڀٽو پاران سنڌ پنجاب جي دنگ تي ڌرڻو هنيو ويندو ، نوشهروفيروز ۾ سنڌو درياء مان 6 نوان ڪئنال ڪڍڻ خلاف پ پ پ ( ش ڀ)جي سڏ تي ڪارڪنن پريس ڪلب آڏو احتجاجي مظاهرو ڪيو. مظاهرين جن جي اڳواڻي خالد کوسو، بشارت کوسو، امجد ٻوھيو ۽ ٻيا ڪري رهيا هئا انهن چيو ته سنڌو درياء مان 6 نوان ڪئنال ڪڍي سنڌ کي بنجر بڻائڻ جي سازش ڪئي پئي وڃي جيڪا ڪنهن به صورت ۾ برداشت نه ڪئي ويندي. هنن چيو ته سنڌو درياء سنڌ جي ساهه جي رڳ آهي جنهن کي سڪائڻ جي ڪابه سازش قبول نه ڪئي ويندي.. لاڙڪاڻي ۾ پ پ شھيد پارٽي پاران سنڌو درياءَ مان 6 نوان ڪئنال ڪڍڻ خلاف پريس ڪلب اڳيان احتجاجي مظاهرو ڪري سخت نعريبازي ڪئي ان موقعي تي عبدالستار جاگيراڻي سليم چنو محراب ڀٽو رستم شاھ سميت ٻين جو چوڻ هو ته سنڌو درياءَ سنڌ جي شھ رڳ آهي جنهن مان نوان تڪراري ڪئنال ڪڍي سنڌ جي زراعت کي هٿ سان تباھ ڪيو پيو وڃي هنن وفاقي سرڪار کان مطالبو ڪيو ته فوري طور تي نوٽيس وٺي تڪراري ڪئنالن وارو فيصلو واپس وٺي سنڌ کي بنجر ٿيڻ کان بچايو وڃي. ڄامشورو ۾ شھيد ڀٽو جي سڏ تي رحيم بخش کوسو،ديدار حسين ٻگھيو،شهزاد راڄڙ،سليمان ڀلائي،علي بروهي،نظر جوڻيجو،طالب شاھ ۽ ٻين جي اڳوڻي ۾ ريلي ڪڍي انڊس هاءِ وي بلاڪ ڪيو ويو، اڳواڻن چيو ته سنڌو مٿان ڪئنال ٺاهڻ ڪنهن به صورت ۾ نه ڏينداسين، سنڌو درياه اسان جو جياپو آهي،سنڌ خلاف ٿيندڙ سازش تي ڀرپور جدوجھد ڪنداسين، پاڪستان پيپلز پارٽي شھيد ڀٽو ضلعي نوابشاھ پاران صوبائي آرگنائيزر ڪميٽي طرفان 29 ڊسمبر تي سڄي سنڌ ۾ احتجاجي مظاهرن جو اعلان ڪيو ويو ان سلسلي ۾ پ پ شهيد ڀٽو ضلع نوابشاهه پاران نوابشاهه پريس ڪلب ٻاهران ضلع صدر اڪبر سوڍر جي اڳواڻي ۾ احتجاجي مظاهرو منعقد ڪيو ويو احتجاجي مظاهرو سنڌو درياءَ مٿان 6 ڪينال ڪڍڻ خلاف سخت نعري بازي ڪئي وئي ۽ حڪمران کان مطالبو ڪيو ويو ته سنڌ کي بنجر ڪرڻ واري سازش کي رد ڪيو وڄي ۽ سنڌ صوبي جي عوام سان انصاف ڪيو وڃي نہ ته پ پ شھيد ڀٽو جلد سنڌو درياءَ مان 6 ڪينال واري رٿا خلاف پوري سنڌ ۾ ڀرپور تاريخ جو آغاز ڪندي ۽ سنڌو درياءَ خلاف ھر سازش کي پ پ شھيد ڀٽو ناڪام بڻايندي احتجاجي مظاهري ۾ بابر مغيري شاهڪار ملاح مٺل جلباڻي عبدالرزاق رند غازي نجيب چانديو جاويد لانگاھ وسيم ڀٽي مدد علي جمالي مختيار سنڌي لالا انور ڀٽي عبدالغفور ڀٽو ارشاد خاصخيلي اعجاز ميراڻي نعمان جمالي عبدالحق جتوئي نديم خاصخيلي عرفان جمالي مُشتاق کوکر اختيار سنڌي بسنت ڪمار ۽ ٻين ورڪرن ڀرپور شرڪت ڪئي