عمرڪوٽ ۾ سنڌي ميڊيا جي سڏ تي ٻئي ڏهاڙي به ثقافتي سرگرميون جاري

استاد ۽ ٻارڙا ثقافتي ويس وڳا اجرڪ ٽوپيون پهري شريڪ

عمرڪوٽ(ڪانجي مل رکيسر) سنڌي ميڊيا جي سڏ تي عمرڪوٽ ۾ ٻي ڏينھن تي به ثقافتي سرگرميون جاري رھيون جتي استادن شاگردن طرفان ثقافتي لباس پائي شرڪت ڪئي ھاء اسڪول ٽو ۾ ٿيل پروگرام ۾ استادن خالد حسين خاصخيلي، روشن الدين راھمون، اجمل اوڏ، ذيشان آرائين ۽ ٻين ثقافتي لباس پائي شرڪٿ ڪئي جڏھن ته شاگردن ساجد علي سميجو، سنتوش، عزيز گروپ طرفان ڊانس ڪري ۽ ٽيبلوز پيش ڪري خوب داد حاصل ڪيو جڏھن ته اسڪالر پبلڪ ھائير سيڪنڊري اسڪول عمرڪوٽ جي پرنسپال سرفراز علي، رائول ڪمار، ابوبڪر نھڙي، عبدالعزيز آريسر، شاگردن سنيل ڪمار، انيتا ڪماري سميت ٻين طرفان به سنڌ جي ثقافت اجاگر ڪرڻ لاء ثقافتي ويس پائي تقريب ۾ شرڪت ڪئي ۽ شاگردن پاران ٽيبلوز پيش ڪندي سنڌي گيتن تي جمھريون ھنيون ويون