ميرپور ساڪرو ۾ سيد شفقت شاهه شيرازي، رياض شاهه شيرازي ۽ ٻين جي مان ۾ آجياڻو

ملاح اڳواڻ عبدالڪريم الھبخش ميراڻي پاران شيرازي ڀائرن جي مان ۾ آجياڻو ڏنو ويو

ٺٽو(شفيق ڀٽي) ميرپور ساڪرو جي ميراڻي برادري جي معزز ملاح اڳواڻ عبدالڪريم الھبخش ميراڻي پاران شيرازي ڀائرن اڳوڻي ضلعي ناظم سيّد شفقت حُسين شاھ شيرازي، صوبائي وزير سيّد رياض حُسين شاھ شيرازي، اڳوڻي ايم پي اي سيّد امتياز حُسين شاھ شيرازي، اڳوڻي ايم پي اي سيد امير حيدر شاھ شيرازي، سيّد اظھار حسين شاھ شيرازي، سيّد غلام حسن شاھ شيرازي جي مان ۾ اجياڻو ڏنو ويو، جنھن ۾ حاجي محمد حنيف ميمڻ، ميونسپل ڪميٽي ٺٽي جي چيئرمين ادا محمد ميمڻ سميت ملاح، ميراڻين سان گڏ مختلف برادرين جي معززين وڏي انگ ۾ شرڪت ڪئي. جتي عبدالڪريم الھبخش ميراڻي پاران آيل مھمانن جو مانائتو استقبال ڪري کين سنڌي پٽڪا بڌائڻ سان گڏ کين لونگين ۽ اجرڪن جا تحفا پيش ڪيا، ان موقعي تي اجياڻي تقريب کي خطاب ڪندي اڳوڻي ضلعي ناظم سيد شفقت حسين شاھ شيرازي، صوبائي وزير سيد رياض حسين شاھ شيرازي، اڳوڻي ايم پي اي سيد امتياز شاھ شيرازي ۽ اڳوڻي ايم پي اي سيد امير حيدر شاھ شيرازي چيو تہ اسان عبدالڪريم الھبخش ميراڻي جا تھ دل سان شڪر گذار آھيون، جنھن اسانکي ھيڏو سارو مان ڏنو اھي، ھنن چيو تہ عبدالڪريم ميراڻي جو والد مرحوم الھبخش ميراڻي اسانجي ويجھن ساٿين ۾ شامل ھو، جيڪو ھن وقت اسانجي وچ ۾ موجود ناھي رھيو، جنھن جي الله پاڪ مغفرت فرمائي. ھنن چيو تہ عوام ئي اسانجي طاقت جو سرچشمو آھي، جنھن ڪري اسان ھر وقت ڪھڙو بہ وقت ھجي اسان پنھنجي عوام سان گڏ ھوندا آھيون. ھنن چيو تہ موجودہ دور مھنگائي ڪري غريب عوام لاء ڏکيو ٿي پيو آھي، پر پ پ پ جي سنڌ حڪومت عوامي مسئلا حل ڪرڻ ۾ مصروف بڻيل آھي، ھنن چيو تہ اسان عوام جا ڪافي مسئلا بنا ڪنھن فرق جي حل ڪيا آھن، رھيل مسئلا بہ حل ڪري عوام کي روزگار سميت کين بنيادي سھولتون مھيا ڪري ترقياتي ڪمن جو بہ ڄار وڇايو ويندو. ن موقعي تي عبدالڪريم الھبخش ميراڻي آيل سمورن مھمانن جو تھ دل سان شڪريو ادا ڪندي چيو تہ جڏھن سندس والد مرحوم الھبخش ميراڻي ھيو تہ ھو بہ شيرازي ڀائرن کي اھڙي طريقي سان آجياڻا ڏيئي ساڻن پنھنجي محبت ۽ يڪجھتي جو اظھار ڪندو ھو، اسان بہ انھن جي نقش قدم تي ھلندي ان روايت کي برقرار رکيو آھي.