عمرڪوٽ ۾ رياض چانڊيو، ڊاڪٽر نياز ڪالاڻي ۽ ٻين جي اڳواڻي ۾ ثقافتي ريلي ڪڍي وئي

ثقافتي ڏھاڙي تي اعلان ٿا ڪريون ته سنڌو درياھ تي ڪوبه لنڪ ڪئنال قبول نه ڪنداسين: اڳواڻ

عمرڪوٽ(ڊ ر) جيئي سنڌ معاذ جي چيئرمين رياض چانڊيو، جسقم اڳواڻ نياز ڪالاڻي، پنھل ساريو، ڊاڪٽر خوشحال ۽ ٻين جي اڳوڻي ۾ مذھبي رواداري، سنڌو درياھ تي ڪئنال ڪڍڻ ۽ ڊاڪٽر شاھنواز ڪنڀر جي عدالت کان مٿانھون قتل خلاف ثقافتي ڏھاڙي تي تين تلوار چوڪ کان پريس ڪلب تائين ريلي ڪڍي ويئي ۽ پريس ڪلب آڏو جيئي سنڌ معاذ پاران تقريب منعقد ڪئي ويئي جنھن کي خطاب ڪندي اڳواڻن چيو ته ھزارين سالن کان آباد سنڌ ڌرتي امن جي ڌرتي رھي آھي سنڌ ڌرتي شاھ، سچل، سامي، ولين، صوفين، بزرگن، سنتن ۽ عبدالرحيم گرھوڙي جي ڌرتي رھي آھي سنڌ ڌرتي ان عظيم حستي سورھيه بادشاھ کي جنم ڏنو جنھن انگريزن جي غلامي بدران آزاد وطن يا ڪفن جو نعرو ڏنو انگريزن جي غلامي بدران شھادت قبول ڪيائين سنڌ جي ڌرتي امن ٿي چاھي امن جي ڌرتي امن ٿي چاھي اڄ سنڌي ثقافتي ڏھاڙي تي اعلان ٿا ڪريون ته سنڌو درياھ تي ڪوبه لنڪ ڪئنال قبول نه ڪنداسين ھر قسم جي مذھبي انتھا پسندي خلاف جھدوجھد ڪنداسين ھنن مطالبو ڪيو ته ڊاڪٽر شاھنواز ڪنڀر جي قتل جي عدالتي جاچ ڪرائي وڃي ان ۾ ملوث ماڻھن کي سخت سزا ڏني وڃي ان موقعي تي جيئي سنڌ معاذ جي ضلعي صدر نريش ڪمار بجير، غلام شبير ڪنڀر ۽ ٻيا پڻ موجود ھئا