عمرڪوٽ ۾ سنڌي ميڊيا پاران اعلانيل ثقافتي ڏھاڙي جون تياريون جاري

فنڪشنل مسلم ليگ اڳواڻ ايڊوڪيٽ ڀاڳچند ڀيل طرفان صحافين جي مان ۾ آجياڻو، اجرڪن جا تحفا ڏنا ويا

عمرڪوٽ(رپورٽ:ڪانجي مل رکيسر ) سنڌي ميڊيا پاران اعلانيل ثقافتي ڏھاڙو ملھائڻ جي حوالي سان تياريون جاري، فنڪشنل مسلم ليگ اڳواڻ ايڊوڪيٽ ڀاڳچند ڀيل طرفان صحافين جي مان ۾ آجياڻو، سنڌ جي ثقافت اجرڪن جا تعفا پيش ڪيا ويا. سنڌي ميڊيا پاران پھرين ڊسمبر تي اعلانيل ثقافتي ڏھاڙو ملھائڻ جي حوالي سان عمرڪوٽ ۾ به ثقافتي سرگرميون جاري آھن جڏھن ته ثقافتي ڏھاڙي جي سڏ کي مان ڏيندي فنڪشنل مسلم ليگ سنڌ جي جوائنٽ سيڪريٽري ايڊوڪيٽ ڀاڳچند ڀيل پاران صحافين جي مان ۾ آجياڻو ڏنو ۽ پريس ڪلب تي پُھچي سينئير صحافين ممتاز آريسر، ناھيد خان خٽڪ، عبدالمجيد ميمڻ، امين ڏيپلائي، غلام مصطفي مھر، ڪانجي مل رکيسر، ھرچند ساگر، اشوڪ ڪمار، شھباز عمراڻي، سوائي مل رکيسر، اسد ڀرڳڙي ۽ ٻين کي سنڌ جي ثقافت اجرڪ جا تعفا پيش ڪيا ويا ۽ ثقافت ڏھاڙي جي حوالي سان ڪيڪ پڻ ڪاٽيو ويو ان موقعي تي صحافين سان ڳالھائيندي فنڪشنل مسلم ليگ اڳواڻ وڪيل ڀاڳچند ڀيل چيو ته سنڌ جي ثقافت ھزارين سال پراڻي آھي سنڌي ميڊيا پاران ھر سال جيان ھن ڀيري به ثقافتي ڏھاڙو ملھائڻ واري اعلان سنڌ واسين جون دلون کٽي ورتيون آھن ھن چيو ته سنڌي تھذيب جي قديمي تاريخ آهي سنڌي ثقافت ڏھاڙو سنڌي ثقافت کي اجاگر ڪرڻ جو ڏينهن آهي جنهن ڏينهن تي سنڌي بنا ذات پات ۽ مذهب جي گڏ ٿي پنهنجي ثقافت کي وڌيڪ اجاگر ڪن ٿا ۽ صوفين جي ڌرتي سنڌ مذهبي رواداري جو اھڃاڻ پڻ آهي جتي امن ۽ ڀائيچارو اڄ تائين قائم ۽ دائم آهي سنڌ ڌرتي جو ھر وارث ثقافتي ڏھاڙي جي آجيان ڪري ٿو