ملير: قائدآباد پل وٽ قديم ڳوٺ غلام محمد بلوچ انتظاميا جي ٽيون ڀيرو چڙهائي، چڪريون

ڳوٺاڻن احتجاج ڪندا قائد آباد پل تي پهچي روڊ بلاڪ ڪري ڇڏيو، مظاهرين ۽ پوليس ۾ چڪريون

ملير (رپورٽ: عبدالرشيد مورجھريو) ملير ايڪسپريس وي، اينٽي انڪرو يمينت ۽ ضلعي انتظاميا جي قائداباد پل لڳ قديم ڳوٺ غلام محمد بلوچ تي ٽيون ڀيرو چڙهائي ناڪام، ڳوٺاڻا احتجاج ڪندا قائداباد پل تي پهچي ويا، احتجاجي مظاهرو ۽ ڌرڻو، روڊ بلاڪ، گاڏين جون قطارون لڳي ويون، پوليس ۽ احتجاج ڪندڙن ۾ چڪريون، صورتحال کي خراب ڏسي ضلعي عملدار پهچي ويا، انتظاميا ۽ ڳوٺاڻن ۾ ڳالهيون 5 ڏينهن جي مهلت تي ڌرڻو ختم، ايڪسپريس وي انتظاميا ۽ ڳوٺاڻن ۾ ڳوٺ متبادل زمين ۽ معاوضي تي ڳالهيون هلندڙ آهن ته ان دوران وري آپريشن شروع ڪيو ويو آهي ڳوٺاڻا، معاوضو ۽ متبادل زمين ڏينداسين ڳوٺ خلاف نه پر قبضن خلاف آپريشن ڪري رهيا آهيون،ڊپٽي ڪمشنر ملير تفصيل موجب ملير ايڪسپريس وي، اينٽي انڪرو چمينت ۽ ضلعي انتظاميا قائداباد پل لڳ قديم ڳوٺ غلام محمد بلوچ تي ٽيون ڀيرو ڪوشش ڪئي ته ڳوٺاڻن سخت مزاحمت ڪري ڏني جنهن سبب عملو ڳري مشينري ڪاهي واپس موٽي ويو ڳوٺ تي ٽيون ڀيرو چڙهائي خلاف ڳوٺ رهواسين عورتن ۽ ٻارڙن سميت نعرا هڻندا قائداباد پل وٽ پهتا جتي روڊ بلاڪ ڪري غلام محمد بلوچ، غلام رسول بلوچ، نسيم بلوچ ۽ ٻين جي اڳواڻي ۾ احتجاجي مظاهرو ڪري ڌرڻو هنيو، روڊ بند هجڻ سبب ايندڙ ويندڙ گاڏيون بيهجي ويون اطلاع تي پوليس جا اٽالا پهچي ويا ان دوران پوليس ۽ احتجاج ڪندڙن ۾ چڪريون پڻ ٿيون هوڏانهن صورتحال کي خراب ڏسي ضلعي جي عملدارن پهچي ڳالهيون ڪيون ان موقعي تي ڳوٺاڻن انتظاميا کي ٻڌايو ته ايڪسپريس وي انتظاميا ۽ ڳوٺاڻن وچ ۾ ڳوٺ جي متبادل زمين جي معاوضي لاءِ اڃان ڳالهيون هلندڙ آهن ته ان دوران اوچتو آپريشن شروع ڪيو ويو آهي جڏهن ته ڊپٽي ڪمشنر ملير عرفان سلام ميرواڻي ڳوٺ تي ڪاھ بابت ٻڌايو ته معاوضو ۽ متبادل زمين ڏينداسين ڳوٺ خلاف نه پر قبضن خلاف آپريشن ڪري رهيا آهيون ڳالهين جي نتيجي ۾ انتظامياڳوٺاڻن کي اڏاوتون هٽائڻ لاءِ 5 ڏينھن جي مهلت ڏني وئي جنهن بعد ڌرڻو ختم ڪيو ويو