ڊي آئي جي حيدرآباد طارق رزاق ڌاريجو ٺٽو پهتو، ايس ايس پي آفيس ۾ آفيسرن سان گڏجاڻي

ٺٽي پهچڻ تي ڊي آئي جي حيدرآباد طارق رزاق ڌاريجو کي پوليس جي چاڪ چست دستي پاران سلامي پيش ڪئي وئي

ٺٽو( محمد شفيق ڀٽي) ڊي آئي جي حيدرآباد طارق رزاق ڌاريجو ٺٽي پهتو ايس ايس پي ٺٽو جي آفيس ۾ ٺٽي ۽ سجاول ضلعن جي پوليس عملدارن سان گڏجاڻي ڪئي، ان دوران ھن نان سي پيڪ پراجيڪٽ ۽ ڪي فور تي موجود پرڏيھي شھرين جي سيڪيورٽي انتظامن بابت پڻ دورو ڪري معلومات ورتي، جڏھن تہ ٺٽي پهچڻ تي ڊي آئي جي حيدرآباد کي ٺٽو پوليس جي چاڪ و چوبند دستي پاران سلامي پيش ڪئي وئي ان موقعي تي ڊي آئي جي حيدرآباد طارق رزاق ڌاريجو پاران شھيدن جي يادگار تي گل نڇاور ڪيا ويا، جنھن کان پو ڊي آئي جي حيدرآباد طارق رزاق ڌاريجو کي ايس ايس پي ٺٽو ڊاڪٽر عمران ۽ ايس ايس پي سجاول ڊاڪٽر عبدالخالق پيرزادو پاران ٺٽو ۽ہسجاول ضلعن جي امن امان جي صورتحال بابت تفصيلي بريفنگ ڏني وئي،جڏھن تہ ڊي آئي جي طارق رزاق ڌاريجو پاران پوليس کي ڏوهارين منشيات فروشن روپوش توڙي اشتهاري جوابدارن خلاف ڀرپور ڪارروائي ڪرڻ ۽ پوليس گشت کي وڌائڻ جي هدايت ڪئي ويئي.