ڪراچي جي علائقي بهادرآباد ۾ نجي ٽي وي آفيس ٻاهران فائرنگ، هڪ صحافي زخمي

165 views | 19th Nov 2024 • سنڌي خبرون

هٿياربندن جي فائرنگ ۾ صحافي نديم احمد سخت زخمي ٿي پيو، کيس اسپتال منتقل ڪيو ويو

ڪراچي جي علائقي بهادرآباد ۾ نجي ٽي وي آفيس ٻاهران فائرنگ، هڪ صحافي زخمي

ڪراچي(اسٽاف رپورٽر) ڪراچي جي علائقي بهادر آباد ۾ هٿياربندن نجي ٽي وي آفيس جي ٻاهران فائرنگ ڪري صحافي نديم احمد کي زخمي ڪري ڇڏيو. اطلاع تي پوليس پهچي زخمي صحافي کي نجي اسپتال منتقل ڪيو. پوليس موجب نديم احمد آفيس ٻاهران موجود هو، ابتدائي جاچ موجب ويگو ۾ سوار هٿياربندن مٿس فائرنگ ڪئي، نديم احمد کي ڄنگھ ۾ گولي لڳي سندس حالت خطري کان ٻاهر آهي. واقعي واري هنڌ تان شاهديون گڏ ڪيون ويون آهن، سي سي ٽي وي فوٽيج به هٿ ڪيا پيا وڃن. هوڏانهن واقعي جو اطلاع ملندي ئي صحافين جو وڏو تعداد اسپتال پهچي ويو. وڏي وزير سيد مراد علي شاهه ۽ گهرو وزير ضياءَ الحسن لنجار واقعي جو نوٽيس وٺندي ڪراچي پوليس کي حڪم ڪيو ته واقعي ۾ ملوث جوابدارن جو پتو لڳائي کين فوري طور گرفتار ڪيو وڃي، صحافي تي حملو افسوسناڪ ۽ ناقابل برداشت آهي.