گهارو ويجهو ڪوهيڙي سبب حادثو، 5 ڄڻا فوت، 14 زخمي

ڪوهيڙي سبب مرغي کڻي ويندڙ ٻن مزدائن سميت ڇهن گاڏين جو هڪٻئي پٺيان ٽڪر

ٺٽو( ڊر )گھارو قومي شاهراهه تي ڪوهيڙي سبب خوفناڪ حادثو پيش آيو جنهن ۾ مرغي کڻي ويندڙ 2 مزدائن سميت ڇهن گاڏين جو هڪ ٻئي پويان ٽڪرائجي وڃڻ سبب پنج ڄڻا فوت ۽ چوڏنهن ڄڻا زخمي ٿي پيا حادثي جي نتيجي ۾ ٽي پورهيت شعيب، نديم ۽ رحمان جي موقعي تي فوت ٿي ويا جڏهن ته ٻه پورهيت، معين ۽ گلزمان، ڪراچي منتقل ڪرڻ دوران فوت ٿي ويا حادثي ۾ مجموعي طور تي فوتين جو انگ پنج ٿي ويو آهي، زخمين کي مقامي ماڻهن پنهنجي مدد پاڻ تحت پرائيويٽ گاڏين ذريعي گھارو رورل هيلٿ سينٽر ۽ مڪلي سول اسپتال منتقل ڪيو حادثي بعد ريسڪيو ٽيمون وقت سر نه پهچڻ سبب زخمي ٽن ڪلاڪن تائين قومي شاهراهه تي تڙپندا رهيا جتي مقامي ماڻهن پنهنجي گاڏين ذريعي زخمين کي اسپتالن ڏانهن منتقل ڪيو، 12 زخمين مان چئن ڄڻن ڪريم، فيصل، عاصم ۽ شاه بيگ جي حالت انتهائي ڳڻتي جوڳي ٻڌائي وئي آهي، جن کي ڪراچي منتقل ڪيو ويو آهي حادثي جي ڪيترائي ڪلاڪ پوءِ پوليس ۽ ريسڪيو ٽيمون واقعي واري هنڌ پهچي، صورتحال تي ڪنٽرول حاصل ڪرڻ جي ڪوشش ڪيون