ڪشمور پوليس هٿان فل فراءِ ٿيل ٻن ڀائرن جا لاش قبرڪشائي بعد وارثن حوالي

قبرڪشائي ڪرڻ بعد رحيم يار خان واسي اورنگزيب ۽ جمشيد لاش سندن وارثن حوالي ڪيا ويا

ڪشمور(دلبر جاني) رحيم يار خان پوليس رحيميار خان مستان شاہ محلي رهواسين اورنگزيب ۽ جمشيد کي ڪشمور پوليس هٿان فل فراءِ ڪرائي ڇڏيو، جنهن بعد وارثن لاش ڪشمور پوليس کان اجازت بعد قبر ڪشائي ڪري ايمبولينس ذريعي رحيميار خان کڻي ويا تفصيل موجب :- زاهد خان عرف خاني ٽائيگر رحيم يار خان چوڪ پٺاڻ اسٽريٽ نمبر 6 واسي ميڊيا تي بيان جاري ڪندي چيو ته اسين سياسي پارٽي پي ٽي آئي سان تعلق آهي ۽ اسانجي ڪيمپ تي پوليس بنا ڪنهن سبب جي ڪڏهن منهنجي ڀائرن اورنگزيب ۽ جمشيد کي بيگناه پڪڙي ڏھ ڏينهن گم ڪرڻ بعد سومر رات ڪشمور پوليس هٿان مارائي ڇڏيو آهي ۽ مونکي پڪڙڻ لاءِ روز منهنجي گهرن ۾ چڙهائي ڪري ، منهنجي ڪئمپ ۾ وڃن ٿا ۽ اتي ڀڄ ڊاهه ڪن ٿا ۽ پوليس چوي ٿي خاني ٽائيگر، دهشتگرد آهي مان هڪ عام شهري آهيان، منهنجي جان کي خطرو آهي، مونکي پوليس ڌمڪيون ڏئي رهي آهي.جيڪڏهن مون کي ڪو نقصان پهچندو ته انجا ذميوار ڊي پي او، ڊي ايس پي، ايس ايڇ او سي آئي انچارج ظهير الدين بابر عرف ظهير جوگيگا وارا هوندا ۽ منهنجي ڀائرن جي قتل جا ذميوار به ئي آهن جن منهنجي ٻن ڀائرن اورنگزيب خان عرف ڪالو خان ۽ جمشيد خان کي گذريل ڪيترن ڏينهن کان رحيم يار خان پوليس گم ڪري ڇڏيو هو مون وٽ سي سي ٽي وي وڊيو موجود آهن جڏهن منهنجي ڀائرن کي کنڀي گم ڪيو ويو، ۽ هاڻ سوشل ميڊيا ذريعي خبر پئي ته ڪشمور پوليس به اڻڄاتل ماڻهون مقابلي ۾ ماريا آهن ۽ جڏهن وڊيو ڏٺو سين ته اُهي اسانجا ڀائر اورنگزيب ۽ جمشيد هئا جن کي ڪشمور پوليس رحيمار خان پوليس جي چوڻ تي قتل ڪيو آهي مان اعليٰ اختيارين کي اپيل ڪريان ٿو ته مون سان انصاف ڪيو وڃي.