ھيءُ ملڪ سُڌرندو ، سو اسان به ڏسنداسين……!!!؟

views | 30th Oct 2024 • آرٽيڪلز/ کالمز

مھر ڊٻائي

ھيءُ ملڪ سُڌرندو ، سو اسان به ڏسنداسين……!!!؟

ھونءَ ته ڪافي سالن ٿيا پر ، خصوصن ٻن سالن کان سڄي دنيا ڏسي پئي ته، ملڪ پاڪستان جي ماتحتي هيٺ رهندڙ، سنڌ وطن ۾ ميڊيڪل ( ايم ڊي ڪيٽ)جي تعليمي ٽيسٽ سان ڪهڙي طريقي ريپ ڪيو پيو وڃي…؟

ٻن سالن کان ته، ان ٽيسٽ کي باقائدا ھڪ دنڌو بڻايو ويو آ ، جنهن ۾ ڪوبه مزدور يا غريب شامل ڪونهي بلڪه ، سڀ سفيد پوش ۽ وڏا آفيسر يا انهن جا اولاد…!

ان ٽيسٽ کانپوء ، ٻئي رات آئون حيدرآباد ھيس… لاتعداد احوال ٻڌم ته، ايترو منافعو دنيا جي ڪنهن به ڪاروبار ۾ ڪونهي. جيترو هڪ رات ۾ پيپر آئوٽ ڪرڻ تي ملي ٿو ٿو…

ٻڌايو ويو ته، ھڪ ماڻھو 12 لک ۾ پوئين رات واري پڪِي ” ڪِي“ ورتي . .سندس ڏھ يا پندرنهن پڪا شاگرد گراھڪ ھئا. . جن مان ھر هڪ گراهڪ سان 7 لک نقد رقم ۾ ” ڪِي “ جو سودو ٿيو.

مطلب ته بنا ڪنهن تڪليف يا سيڙپ جي چند ڪلاڪن ۾، ھڪ ماڻھو ستر اسي لک ڪمائي ويو…

اڄ هيءُ ايف آئي اي جو ڪال اپ نوٽس ڏٺم . جنهن ۾ هڪ شاگرد ڇوڪري کي گهرايو ويو آ. ته تو جيترا نمبر کنيا آھن،……………

ايترا نمبر کڻڻ ته ممڪن ئي ڪونهي ……؟؟

سنڌيءَ جي ڇوڻي آ ته انڌيون رليون سبنديون ۽ مسافر پائيندا…!!؟؟

حيرت آ. افسوس آ……

سموري دنيا کي خبر آھي ته. . هت دنڌو ٿيو آ.……

ظلم ٿيو آ. غريب شاگرد خودڪشي ڪرڻ جهڙو ٿي ويو آ…ڇو ته پيپر جا پئيسه نه هجڻ جي ڪري سندس مارڪون ، ڪاپي ڪندڙ کان گهٽ آھن …

اسانجي علائقي ۾ هڪ مشهور چور هوندو هيو. اهو چوري ڪري ، نياپو ڇڏي ويندو هيو ته. مون چوري ڪئي آ. خوامخواه پيرو نه کڻايو .. ۽ نڪو پيرو کڻندڙ جا خرچ برداشت ڪيو…

مونکي اهيا ڳالھ سمجھ ۾ ئي نٿي اچي ته. .جنهن چوريءَ جا چور… سڌا سنوان هجن ته . . پيرو کڻڻ جي مشڪري يا ڊرامي بازي ڇو پئي ڪئي وڃي…!؟

ايف آئي اي. ، شاگردياڻي کي گهرائي ڇا ٿي ثابت ڪرڻ چاهي؟؟

اهيو ثابت به ٿي وڃي ته، پيپر آئوٽ ٿيل آ ته. پوء هي ڇا ڪندا…؟

آئون ان طرح جي مسخري کي وقت ضايع ڪرڻ ٿو سمجهان ۽ تعليمي ادارن کي پوري دنيا ۾ بدنام ڪرڻ جي سازش جو حصو ٿو سمجهان…

حڪومت کي گهرجي ته، سڀ کان پهريان ته، ميڊيڪل جي ورتل ٽيسٽ مڪمل طرح ڪينسل ڪري.…

نئين تاريخ جو اعلان ڪري ۽ اها ٽيسٽ مڪمل طرح مفت هجي. سڀ انتظام حڪومت برداشت ڪري…

ان کان پوء گذريل ٽيسٽ جا، جن به پئيسه ورتا يا پيپر آئوٽ ڪرڻ ۾ جيڪي به ڌريون ملوث آھن. اهي ڳولي ڳولي گرفتار ڪيون وڃن .

ملازم آھن ته سندن نوڪري ختم ڪئي وڃي . ورتل پئيسه وصول ڪيا وڃن…!

پرائيويٽ ماڻھو آھن ته، رقم وصول ڪرڻ کانپوء، کين ڏھن سالن لاء جيل موڪليو وڃي…

باقي موجوده عمل صرف ٽوپي ڊرامون آ.

مسخري مذاق آ. سنڌ جي تعليم تان چٿر آ…

ايئن ٿو لڳي ته افسر شاهي هجي يا وزير مشير هجن……، بيوقوفن جو هجوم آ، ھڪ جاهلن جو لشڪر آ. جن جي حوالي سنڌ جي ٿقدير ڪئي وئي آ……!!