ڪراچي ۾ حادثي دوران فوت ٿيل عورت سميت ٻن ڄڻن جي ڌار ڌار جنازي نماز بعد اباڻن قبرستانن ۾ تدفين

بحريه ٽائون ڪراچي وٽ سوزوڪي ٿنڀي سان ٽڪرائجڻ سبب عورت سميت 2 ڄڻا فوت ۽ 20 کان وڌيڪ زخمي ٿيا هئا

ٺٽو( شفيق ڀٽي) گذيل ڏينھن بحريا ٽائون ڪراچي وٽ ڪار کي بچائيندي روڊ ڀرسان لوھي پول سان ٽڪرائجي حادثي جو شڪار بڻيل ٺٽي لڳ ڇتوچنڊ واسين جي سوزوڪي ۾ فوت ٿي ويل ڇتوچنڊ واسي اڳوڻي يوسي ناظم ڇتوچنڊ، جماعت اھلسنت پاڪستان ضلعي ٺٽي جي صدر عبدالواحد بروھي جو نوجوان پٽ، عبدالحق بروھي جي ڀائيٽي سوزوڪي ڊرائيور عبدالطيف بروھي ۽ ڇتوچنڊ لڳ ڳوٺ ڪمال خان جاکرو جي رھواسڻ مسمات رحيمان زال سرماڻ جاکرو جا جنازا سندن گھرن مان کڄڻ تي گھرن ۾ ڪھرام مچي ويو، جن جي جنازي نماز ڳوٺن ۾ ادا ڪرڻ بعد ٻنھي فوتين کي چليا لڳ قريشي قبرستان ۾ سپرد خاڪ ڪيو ويو، سندن جنازن ۾ صوبائي وزير سيد رياض حسين شاھ شيرازي، اڳوڻي ضلعي ناظم سيد شفقت حسين شاھ شيرازي، جماعت اھلسنت القاسميہ درگاھ عاليہ مشوري شريف لاڙڪاڻي جي عبيدالله مشوري، سيد اظھار شاھ شيرازي، سيد مدد علي شاھ ڪاظمي، حاجي حنيف ميمڻ، غلامي ھنڱورو، شاھجھان بروھي، سردار شاھد بروھي، حاجي پير بخش بروھي، يوسي ڇتوچنڊ جو چيئرمين محمد عيسي ھيجب، وڏيرو رسول بخش جاکرو، يوسي سيڪريٽري سجاد سمون، محمد امين بروھي، ايس ايڇ او جھرڪ اميربخش کوسو، مولوي عبدالباسط صديقي، مولوي غلام رسول عمراڻي، مولوي سيد منظور شاھ حسيني، پريس ڪلب ٺٽي جي صدر صحافي اقبال جاکرو، صحافي محمد ايوب ملاح، صحافي محبوب بروھي، خان محمد ھيلايو، حاجي علي نواز جاکرو، عبدالحڪيم ھيجب، صديق ھيجب، راجو قريشي، شفيع محمد جاکرو، حاجي حسن جاکرو، ڏونگر ڀنڀرو، صديق ڀنڀرو، پپو بروھي، محمد عرس ميربحر، مٺن ملاح سميت ھزارين ماڻھن شرڪت ڪئي، سندن تڏا سندن گھرن تي وڇايا ويا آھن، جتي سندن وارثن سان تعزيتن جو سلسلو جاري آھي، ياد رھي تہ مذڪورہ ٿيل حادٿي ۾ 20 کان وڌيڪ عورتون ۽ مرد زخمي آھن، جيڪي ڪراچي جي مختلف اسپتالن ۾ زير علاج آھن، جن مان ڪجھ زخمين جي سيريس حالت بڌائي پئي وڃي.