عمرڪوٽ ضلعي ڪائونسل جو چيئرمين حاجي محمد بقا پلي جي صدارت هيٺ اجلاس

ميمبرن پنھنجن علائقن ۾ صحت، چوپائي مال ۾ ويڪسين نہ ٿيڻ ۽ برساتي پاڻي نيڪال نه ٿيڻ جون شڪايتون ڪيون

عمرڪوٽ (ڪانجي مل رکيسر) ضلعي ڪائونسل عمرڪوٽ جو اجلاس چيئرمين ضلع ڪائونسل عمرڪوٽ حاجي محمد بقا پلي جي صدارت هيٺ ٿي گذريو، گذريل اجلاس جي ڪارروائي بحال ڪرڻ لاء رٿ پيش ڪئي جنھن کانپوءِ اجلاس جي ڪارروائي شروع ڪئي وئي ان موقعي تي صوفي عقيل ، نذير احمد ، شاھنواز جوڻيجو سميت ٻين ميمبرن پاران پنھنجن علائقن ۾ صحت، چوپائي مال ۾ ويڪسين نہ ٿيڻ ۽ برساتي پاڻي نيڪال نہ ٿيڻ جون شڪايتون ڪيون ان موقعي تي ڊي ايڇ او عمرڪوٽ ڊاڪٽر نندلال اجلاس کي بريفنگ ڏيندي چيو تہ چئني تعلقن ۾ مڇر مار اسپري ڪرايو پيو وڃي ۽ اسپتالن ۾ دوائن جي فراهمي کي پڻ يقيني بنايو ويو آھي. ان موقعي تي ڊپٽي ڊائريڪٽر لائيواسٽاڪ ڊاڪٽر گڻيش اجلاس کي بريفنگ ڏيندَي چيو تہ يوسيز سطح تي جانورن ۾ ويڪسين ڪئي پئي وڃي جڏهن تہ ڪنري تعلقي جي ڪجھ يوسين ۾ جلد ويڪسين جو عمل شروع ڪيو ويندو. چيئرمين حاجي بقا پلي پوليس کاتي جي عملدارن کي هدايت ڪندي چيو تہ ضلعي ۾ امن امان جي صورتحال کي برقرار رکيو وڃي ۽ شرپسند ماڻھون تي ڪڙي نظر رکي وڃي ان موقعي تي چيئرمين ضلع ڪائونسل عمرڪوٽ ميونسپل ۽ تمام ٽائون ڪميٽيز جي آفيسرن کي ھدايتون ڏيندي چيو تہ پيئڻ جي صاف پاڻيءَ جي فراهمي ۽ صفائي سٿرائي کي يقيني بڻايو وڃي اجلاس ۾ ميمبرن ۽ علمدارن جي غير حاضريءَ تي ڳڻتي جو اظھار ڪيو ويو، ان موقعي تي ميمبر ضلع ڪائونسل شاھنواز جوڻيجو ارسا بابت رٿ پيش ڪئي جيڪا چيئرمين ضلع ڪائونسل عمرڪوٽ پاران منظور ڪئي وئي. ان موقعي تي ميمبر ضلع ڪائونسل نوجھان ڳيلھڙو چيو تہ بينظير انڪم سپورٽ پروگرام (BISP) جي رقم مان ڪٽوتي ٿي رھي آھي جنھن جو نوٽيس ورتو وڃي،ھن وڌيڪ چيو تہ رحيمداڻي ڪرڪيٽ اڪيڊمي ھميشہ ضلعي ۾ راندين جا پروگرام ڪندي آھي ۽ ضلع ۾ راندين لاءِ وڌيڪ قدم کنيا وڃن. اجلاس ۾ وائيس چيئرمين ضلع ڪائونسل عمرڪوٽ ميان خالد ولھاري، چيف ميونسپل آفيسر امتياز هاليپوٽو ، ميمبر ضلع ڪائونسل عمرڪوٽ عبدالواحد آريسر ، وارث ڪالرو ، خيرالنساء، ڊي ايس پي سٽي عمرڪوٽ ، نادرا انچارج نور محمد ڀنڀرو ، انفارميشن آفيسر محمد اسلم ڀٽي پرنسپال بوائز ڊگري ڪاليج عبدالرئوف سومرو ، ايڊيشنل ڊائريڪٽر لوڪل گورنمينٽ ھريش چندر، اياز ڪاڇيلو ٽيڪسيشن آفيسر ميونسپل ڪميٽي اويس سميجو، اڪائونٽ، سوشل ويلفيئر، ٻيلي کاتي سميت ٻين کاتن جي عملدارن،سينئر صحافي الياس ٿري ، چيئرمين پريس ڪلب مئنيجمينٽ ڪميٽيءَ عمرڪوٽ رسول بخش رحيمداڻي ۽ بين صحافين شرڪت ڪئي اجلاس ۾ چيئرمين ضلع ڪائونسل عمرڪوٽ حاجي بقا پلي پاران پريس ڪلب عمرڪوٽ جي سينيئر صحافي سائين ريحان شبير ھاشمي جي مغفرت لاءِ دعا پڻ گهري وئي.