ٺٽي جي ڪوھستاني ڳوٺ دادو مٽڪاڻي تي ڍڳن جي ڊوڙ توڙي ڍڳن تي ٻج چٽڻ جو مقابلو

ڪوھستان سجاڳ تنظيم طرفان ڪرايل مقابلي ۾ 20 کان وڌيڪ ڍڳن جي جوڙن حصو ورتو

ٺٽو(ڊر) ڪوھستان سجاڳ تنظيم طرفان ٺٽي جي ڪوھستاني ڳوٺ دادو مٽڪاڻي سپر ھاء وي 36 ميل تي ڍڳن جي ڊوڙ توڙي ڍڳن تي ٻج چٽڻ پوکائي جو مقابلو منعقد ڪرايو ويو، جنھن ۾ 20 کان وڌيڪ ڍڳن جي جوڙن حصو ورتو، جنھن ۾ ڪاميابي ماڻيندڙ ڍڳن جي مالڪن کي انعام سان گڏ کين گل ھار ۽ اجرڪون پھرائي سندن ھمت افزائي ڪئي ويئي، جڏھن تہ محفل موسيقي ۾ فنڪار الھبچايو جاکرو نڙ بيت ۽ انور مورائي مورا پيش ڪري چار چنڊ لڳائي ڇڏيا، جنھن مقابلي ۾ ملوڪ جاکرو، نبي بخش جاکرو، واحد جاکرو، ڪوھستاني انور جاکرو، عمرالدين، سفيع محمد، غلام رسول، عارب، ملوڪ، جان محمد، خان محمد، علي محمد، گل محمد، رمضان، حاجي گل، اشرف، خداڏنو، غلام حسين، بلاول، بھاول، رحمت اللہ جاکرو ۽ ٻين پاران وڏي انگ ۾ شرڪت ڪري پروگرام جا انتظام سنڀالڻ سان گڏ ڍڳن جي مالڪن توڙي فنڪارن کي انعام سان نوازيندي چيو تہ ڪوھستاني پٽي ۾ برساتون پوڻ بعد ھي ڍڳن جي ٻج ڇٽڻ جو وڏو مقابلو آھي، جنھن کي ڏسڻ لاء ڪوھستان جي مختلف علائقن کان ڪوھستان واسي ڪھي آيا آھن، جن کي تفريح مھيا ڪئي ويئي آھي، ھنن چيو تہ ھاڻي ڍڳن کان زمين کيڙائي توڙي ٻج پوکڻ وارو سلسلو مشينري اچڻ ڪري گھٽجي ويو آھي، پر ھن واري ڪوھستاني پٽي ۾ برساتون گھڻيون پوڻ ڪري وڏي تعداد ۾ مالوند ماڻھون آيا آھن، جن وٽ ڍڳا موجود آھن، جن ڍڳن ذريعي ھتي زمينن پوکڻ جو مقابلو رکرايو ويو آھي، ھنن چيو تہ ڍڳن طرفان زمين پوکڻ توڙي ٻج ڇٽڻ ۾ رب پاڪ وڌيڪ برڪت وجھي ٿو. ھنن چيو تہ ڪوھستان واسين کي اھڙيون تفريحون مھيا ڪندا رھنداسين، ھنن ڪوھستان واسين کي اپيل ڪئي تہ ھو پنھنجي اولاد خاص طور نياڻين کي وڌ کان وڌ تعليم ڏياري جيترو ٿي سگھي وڻ پوکي ڪوھستان کي الودگي کان بچائين. ھنن آخر ۾ ڪوھستاني ڳوٺ پڪا ڪري ڪوھستان واسين کي سموريون بنيادي سھولتون مھيا ڪري بند ٿيل اسڪول کولرائي ڪوھستان واسين جي اولاد کي تعليم ڏيارڻ جي پڻ گھر ڪئي.