ڪراچي ۾ فرائڊ رچ نعمان فائونڊيشن پاران سنڌ جي صحافين لاء تربيتي ورڪشاپ منعقد

ڪراچي ۾ فرائڊ رچ نعمان فائونڊيشن پاران سنڌ جي صحافين لاء تربيتي ورڪشاپ منعقد

ڪراچي (رپورٽر ) سنڌ اسمبلي جي ڊپٽي اسپيڪر انٿوني نويد پاران ڪراچي جي مقامي هوٽل ۾ فرائڊ رچ نعمان فائونڊيشن پاران سنڌ جي صحافين لاء رکيل تربيتي ورڪشاپ ۾ شرڪت ڪئي ۽ ڊجيٽل ميڊيا متعلق ٽريننگ وٺندڙ صحافين ۽ ميڊيا جي مختلف شعبن سان لاڳاپيل شاگردن کي سرٽيفڪيٽ ڏنا. انهي موقعي تي ڳالهائيندي هن چيو ته ميڊيا ملڪ جو اهم ستون آھن انهن جي تربيت ڪرڻ وقت جي ضرورت ڊجيٽل ميڊيا جي مختلف موضوعن کان کين آگاهه ڪرڻ وقت جي ضرورت هئي ايف اين ايف پاران اهڙو تربيتي ورڪشاپ رکڻ تي کين جس ڏيون ٿا صحافي رياست جو عڪس هوندا آھن انهن جي جدوجهد کي ڪڏھن به وساري نٿو سگهجي هن چيو ته مون کي خوشي آھي ته صحافين جي لاء اهڙا پروگرام ٿي رهيا آھن اڄڪلهه ڊجيٽل ميڊيا جو دور آھي انهي کي اپنائي اڳتي وڌر سگهجي ٿو. ايف اين ايف پاران منعقد ورڪشاپ ۾ سينيئر صحافي شيراز حسنات پاران ڊجيٽل جي مختلف رخن فيچر اسٽورين سميت مختلف پليٽ فارمن تان آمدني ڪمائڻ ۽ انٽرنيشل ميڊيا تائين پهچ بابت تفصيلي ڄاڻ ڏني ۽ ڊجيٽل مواد، انفارميشن گرافڪس، ٿمب نيل تيار ڪرڻ پڻ سيکاريو. اختتامي سيشن کي خطاب ڪندي ايف اين ايف پاڪستان جي هيڊ آف پروگرامز اينڊ ايڊمنسٽريشن محمد انور چيو ته صحافي انتهائي ڏکي وقت کي منهن ڏئي رهيا آهن ۽ انهن کي اهڙي تربيت جي سخت ضرورت آهي ته جيئن هو باوقار طريقي سان پنهنجي روزي ڪمائي سگهن، ان ڪري ايف اين ايف پاڪستان سڄي ملڪ ۾ صحافين جي مدد ڪري رهيو آهي ۽ ڊجيٽل مهارتن سان آمدني ڪمائڻ بابت ڄاڻ فراهم ڪئي پئي وڃي