ڪورنگي ڊرائيونگ لائسنس برانچ پاران بهترين سروس فراهم ڪريون پيا: ڊي ايس پي غلام شبير جمالي

ڪورنگي ڊرائيونگ لائسنس برانچ پاران بهترين سروس فراهم ڪريون پيا: ڊي ايس پي غلام شبير جمالي

ڪراچي ( اسٽاف رپورٽر) ڪورنگي ڊرائيونگ لائسنس برانچ جي هيڊ ڊي ايس پي غلام شبير جماليءَ پاران سنڌ جي شهرين کي ڊرائيونگ لائسنس ٺهرائڻ لاءِ سندن برانچ وزٽ ڪرڻ جي آڇ، ڪورنگي ڊرائيونگ لائسنس برانچ ۾ شهرين کي گهر جهڙو ماحول فراهم ڪيو پيو وڃي، ڪراچيءَ کان ڪشمور تائين سنڌ واسي فائدو حاصل ڪري سگهن ٿا. پيرائتي خبر موجب ڪورنگي ڊرائيونگ لائسنس برانچ ڪراچي، جي هيڊ غلام شبير جماليءَ گذريل ڏينهن ميڊيا سان ڳالهه ٻولهه ڪندي چيو آهي ته راڄڌاني واري شهر ڪراچيءَ سميت سڄي سنڌ جا شهري ڪورنگي ڊرائيونگ لائسنس برانچ اچي ڊرائيونگ لائسنس ٺهرائي سگهن ٿا، سندن برانچ ۾ هڪ بهترين ماحول قائم آهي، جنهن سان ڊرائيونگ لائسنس جي خواهشمندن کي سموريون سهولتون مهيا ٿين ٿيون. ڊي ايس پي غلام شبير جماليءَ جو چوڻ هو ته ڪورنگي ڊرائيونگ لائسنس برانچ جو عملو تمام گهڻو سهڪاري آهي، جنهن سبب شهرين کي ڊرائيونگ لائسنس سولائيءَ سان ٺهي ملي ٿو. سندس وڌيڪ چوڻ هو ته پروفيشنل ڊرائيونگ لائسنس ٺهرائڻ سان هر شهريءَ جو حق آهي، جنهن سان سندن ڪيترائي مسئلا پڻ حل ٿين ٿا. ان موقعي تي ڊرائيونگ لائسنس ٺهرائڻ لاءِ آيل شهرين ڪورنگي ڊي ايل برانچ جي عملي ۽ خاص طور ڊي ايس پي غلام شبير جماليءَ جي رويي توڙي خدمتن جي ساراهه ڪندي چيو ته هڪ بهتر سسٽم تحت کين ڊرائيونگ لائسنس ٺهرائڻ ۾ ڪابه ڏکيائي محسوس نه ٿي ٿئي.