ساکنان شہر قائد کے عالمی مشاعرے اردو ادب و دنیا کی ایک معتبر اور تابندہ روایت بن چکے ہیں۔ ڈاکٹر پیرزادہ قاسم رضا صدیقی

ساکنان شہر قائد کے عالمی مشاعرے اردو ادب و دنیا کی ایک معتبر اور تابندہ روایت بن چکے ہیں۔ ڈاکٹر پیرزادہ قاسم رضا صدیقی

کراچی(اسٹاف رپورٹر )ساکنان شہر قائد کا 29 واں عالمی مشاعرہ 20 اپریل ہفتے کی شب 8 بجے ایکسپو سینٹر کراچی میں منعقد ہوگا،جس میں ملکی و بین الاقوامی شعراءاپنا کلام پیش کریں گے،مشاعرے میں ہزاروں کی تعداد میں لوگ شرکت کریں گے،مشاعرے میں کتابوں اور کھانوں کے اسٹالز لگائے جائیں گے،جبکہ کوئی داخلہ فیس نہیں لی جائے گی،فری پارکنگ کی سہولت بھی ہوگی،اس بارے میں منتظم اعلیٰ محمود احمد خان نے کہا ڈاکٹر پیر زادہ قاسم رضا صدیقی، سنیٹر عبدالحسیب خان،پریس کلب کے سیکریٹری شعیب احمد،جمال اظہر ،ندیم ظفر صدیقی،توقیر احمد خان ،تراب شاہ،حسن امام صدیقی،ڈاکٹر شبیر حسین،تنویر احمد ودیگر کے ہمراہ پریس کلب میں پریس کانفرنس سے خطاب کرتے ہوئے بتایا کہ مشاعرے میں برطانیہ سے عقیل دانش ،امریکہ سے باسط علی،فرح اقبال،خالد عرفان،عاطف توقیر ،جرمنی سے احمد عادل،بحرین سے ریحانہ قمر،محبوب خان،کنیڈا سے فاطمہ زہرا، سمرین ندیم سمر،قطر سے ،تابش زیدی متحدہ عرب امارات سے آکر مشاعرے میں شرکت کریں گے،جبکہ اندرون ملک سے سنیٹر عرفان صدیقی،عطاالحق قاسمی،خورشید رضوی،عباس تابش ،فواد حسین فواد،سید سردار علی شاہ،شکیل جازب ،وسیع شاہ،احمد سولنگی،منیر مومن،اظہر فراغ،توقیر اے خان اور وحید نور،کی آمد متوقع ہے،کراچی میں پروفیسر سحر انصاری،ڈاکٹر پیر زادہ قاسم رضا صدیقی،انور شعور ،محمود شام،ریحانہ ر وہی،جاوید صباح ،خالد معین،سیماءغزل ،ناصرہ زبیری،شائستہ مفتی،صبعین سیف،محمد علی گوہر ،ڈاکٹر مانا عظمی ،فرخ اظہار اور ولید احمد اپنا کلام پیش کریں گے،نظامت کے فرائض عنبرین حسیب عنبر،وجیہ ثانی اور آغا شیرازی انجام دیں گے،کمشنر کراچی ،مئیر کراچی ،ہوم ڈیپارٹمنٹ ودیگر متعلقہ ادارے بھرپور تعاون کررہے ہیں،انہوں نے کہا کہ مشاعرے کی خاص بات کہ اس میں چاروں صوبوں کے شعراءکرام کی نمائندگی ہوگی،انہوں نے بتایا کہ گزشتہ سال مشاعرے میں 20 ہزار سے زائد لوگوں نے شرکت کی تھی اور اس مرتبہ زیادہ لو گوں کی شرکت متوقع ہے،انہوں نے ایک سوال پر کہا کہ40 سے زائد شعراء متوقع ہے،انہوں نے کہا کہ مشاعرے کو کامیاب بنانے میں میڈیا کا اہم کردار ہے،میں الیکٹرانک،پرنٹ و سوشل میڈیا،کے تعاون کو سہراتا ہوں اور توقع کرتا ہوں کہ میڈیا کے لوگ بھی اس مشاعرے میں بھرپور شرکت کریں گے،ساکنان شہر قائد کے بانی ڈاکٹر پیر زادہ قاسم رضا صدیقی نے کہا کہ یہ مشاعرہ پاکستان کا سب سے بڑا مشاعرہ ہوتا ہے اور عالمی سطح پر بھی اس کو پذیرائی ملتی ہے،انہوں نے کہا کہ مشاعرے سے قبل ہم ایک کراچی کی سطح پر مشاعرے کا انعقاد کرتے ہیں،جس میں 40 کے قریب نوجوانوں کو شرکت کا موقع ملتا ہے، سنیٹر عبدالحسیب خان نے کہا کہ شہر میں سماجی اور ادبی سرگرمیاں ناپید ہوچکی ہیں،اس لئے یہ مشاعرہ بہت اہمیت کا حامل ہے،پریس کلب کے سیکریٹری شعیب احمد نے کہا کہ اس مشاعر ے میں صحافیوں کی بھی نمائندگی ہوتی ہے جو ہمارے لئے خوشی کی بات ہے،مشاعرے کے لئے کراچی پریس کلب نے ہمیشہ تعاون کیا اور آئندہ بھی یہ تعاون جاری رہے گا۔