سجاول ۾ گذريل پوليو مھم دوران بھترين ڪارڪردگي جو مظاھرو ڪندڙ ملازمن جي مان ۾ تقريب

سجاول ۾ گذريل پوليو مھم دوران بھترين ڪارڪردگي جو مظاھرو ڪندڙ ملازمن جي مان ۾ تقريب

سجاول (گلشيرميربحر) گذريل پوليو مھم دوران حيدرآباد ڊويزن جي سمورن ضلعن ۾ بھترين ڪارڪردگيءَ جو مظاهرو ڪري پھرين پوزيشن حاصل ڪرڻ تي روينيو ، صحت ،پوليس ، اين اسٽاپ ،پيرا ميڊيڪل اسٽاف ، ليڊي هيلٿ ورڪرز سميت سمورن پوليو ورڪرن جي اعزاز ۾ ضلعي انتظاميه ۽ صحت کاتي جي گڏيل سهڪار سان ھڪ پر وقار تقریب ۽ افطار ڊنر جو اھتمام ڪيو ويو - ان موقعي تي ڊپٽي ڪمشنر عبدالواجد شيخ تقريب کي خطاب ڪندي چيو ته پوليو خلاف مهم دوران اڻٿڪ محنت ۽ جدوجهد ڪري سو فيصد حدف حاصل ڪرڻ وارن عملدارن ، ڊاڪٽرن ، ليڊي هيلٿ ورڪرز سميت سمورا ٽيم ورڪر اسان جا ھيرو آھن جنھن ضلعي جي ڏورانهن علائقن ۾ گھر گھر وڃي ٻارڙن کي پوليو کان بچاء جا ڦڙا پيارڻ ۾ پنهنجو ڀرپور ڪردار ادا ڪيو - ھن سو فيصد ڪاميابي ۽ بھتر نتيجا حاصل ڪرڻ تي صحت ، روينيو ،پي پي ايڇ آء ، لوڪل گورنمينٽ ،ڊبليو ايڇ او ، يونيسيف ۽ مختلف کاتن جي پوري ٽيم کي ساراھيندي کين خراج تحسين پيش ڪيو ۽ حيدرآباد ڊويزن ۾ پھرين پوزيشن حاصل ڪرڻ تي مبارڪباد پڻ ڏني - ان موقعي تي ڊسٽرڪٽ ھيلٿ آفيسر ڊاڪٽر محمد حنيف ميمڻ ۽ ٻين پڻ پوليو ورڪرن سميت سمورن ٽيم ورڪرن جي ڪوششن کي ساراھيندي انھن جي حوصلا افزائي پڻ ڪئي - بعد م ڊپٽي ڪمشنر عبدالواجد شيخ ، ڊسٽرڪٽ ھيلٿ آفيسر ڊاڪٽر محمد حنيف ميمڻ ۽ ٻين پوليو مهم دوران بھترين ڪارڪردگي جو مظاهرو ڪندڙ عملدارن ، عملي ، ڊاڪٽرن ۽ ٻين پوليو ورڪرن ۾ تعريفي سرٽيفڪيٽ پڻ ورھايا - تقريب ۾ اي سي سجاول رضوان عالم ، اي سي جاتي وجاھت ميراڻي ، اي سي بٺورو ، ڊاڪٽر ڪريم بخش ، ڊاڪٽر انور ، ڊاڪٽر اعجاز خواجه سميت صحتٿ، پوليس ، روينيو ، پي پي ايڇ آء ، لوڪل گورنمينٽ ، ڊبليو ايڇ او ، يونيسيف ۽ ٻين لاڳاپيل مختلف کاتن جي عملدارن کان علاوه پوليو ورڪرن پڻ وڏي تعداد ۾ شرڪت ڪئي –