گاجي کهاوڙ ڀرسان ٽن ڏينھن کان گم ٻارڙي جو ڪپڙن کان آجو لاش ھٿ، قتل کان اڳ زيادتي جو خدشو

137 views | 10th Mar 2024 • سنڌي خبرون

گاجي کهاوڙ ڀرسان ٽن ڏينھن کان گم ٻارڙي جو ڪپڙن کان آجو لاش ھٿ، قتل کان اڳ زيادتي جو خدشو

گاجي کهاوڙ ڀرسان ڳوٺ رحمون کوسو مان ٽي ڏينهن اڳ گم ٿيل 6 ورهين جي معصوم نينگري شبيران ڌيء اصغر کوسو مبينا طور اغوا ٿي وئي هئي جنهن جو ڳوٺ ڀرسان زرعي زمين مان تشدد ٿيل لاش هٿ اچڻ بعد لاش پوسٽ مارٽم لاء گاجي پوليس ۽ سندس وارث جاويد گاجيوالا ايمبولينس سروس ذريعي وارھہ اسپتال کڻائي پهتا جتي پوسٽ مارٽم جاري آھي نينگري جي وارثن والد اصغر کوسو چاچي جان محمد کوسو چيو ته نياڻي 3 ڏينهن اڳ ڳوٺ مان گم ٿي وئي هئي مسلسل ڳولا باوجود سندس پتو نه پئي پيو اڄ سندس زمين مان لاش ھٿ آيو آھي هنن چيو ته ظالمن ظلم ڪري سندن معصوم نياڻي کي تشدد بڻائي قتل ڪري لاش ڪپڙن کان آجو ڪري اڇلائي ويا آھن هنن چيو ته نياڻي جا جديد ٽيڪنالاجي جي مدد سان فنگر جزا وٺي قاتلن کي ظاهر ڪري کين عبرت ناڪ سزا ڏياري انصاف ڪيو وڃي ان سلسلي ۾ ايس ايس پي قمبر شھدادڪوٽ محمد ڪليم وارھہ اسپتال پهتو جتي نينگري جي وارثن کان واقعي جا تفصيل ورتا جنهن بعد هن ميڊيا سان ڳالهائيندي چيو ته واقعي تي افسوس ٿيو آھي نينگري جي بازيابي لاء ڪوشش ڪئي پر کيس برآمد ۾ ناڪام وياسين ۽ سندس لاش ھٿ آيو هن چيو ته جوابدارن کي جلد گرفتار ڪري ڪيفر ڪردار تي پهچايو ويندو .