شڪارپور پوليس مبينا مقابلي ۾ ھڪ ڄڻي کي فل فراءِ ڪري ڇڏيو

views | 01st Feb 2024 • سنڌي خبرون

شڪارپور پوليس مبينا مقابلي ۾ ھڪ ڄڻي کي فل فراءِ ڪري ڇڏيو

شڪارپور پوليس مبينا مقابلي ۾ ھڪ ڄڻي کي فل فراءِ ڪري ڇڏيو

شڪارپور ( احسان ابڙو ) شڪارپور پوليس سان ڏوهاري آمهون سامهون، ٻنهي طرفن کان فائرنگ جي نتيجي ۾ هڪ ڏوهاري مارجي ويو.پوليس مقابلو خانپور ٿاڻي جي حد مختيار ڪار آفيس ويجهو قومي شاهراه تي ٿيو. موٽرسائيڪل تي سوار 3 ڏوهاري واردات ڪرڻ جي ڪوشش ڪري رهيا هئا، اطلاع ملڻ تي پوليس واقعي واري هنڌ پهچي وئي.پوليس کي ڏسندي ئي ڏوهارين پوليس تي فائرنگ ڪري ڏني. پوليس جي جوابي فائرنگ جي نتيجي ۾ هڪ ڏوهاري موقعي تي ئي مارجي ويو، جڏهن ته ڏوهاري جا ٻه ساٿي فرار ٿي ويا.مارجي ويل ڏوهاري جو لاش اسپتال منتقل ڪيو ويو آهي.شروعاتي اطلاعن موجب مارجي ويل ڏوهاري جي سڃاڻپ نواب جتوئي طور ٿي آهي.ايس ايس پي شڪارپور جي هدايت تي علائقي ۾ پوليس جي وڏي نفري موڪلي وئي آهي ۽ فرار ڏوهارين جي گرفتاري لاءِ پڻ ڪوششون به جاري آهن. مارجي ويل ڏوهاري جو ڪرمنل رڪارڊ چيڪ ڪيو پيو وڃي ۽ واقعي جي وڌيڪ جاچ به ڪئي پئي وڃي.پوليس جي ڪامياب ڪارروائي تي ايس ايس پي شڪارپور ڊاڪٽر محمد عمران خان پاران پوليس پارٽي کي شاباس، روڪ انعام ۽ تعريفي سرٽيفڪيٽ ڏيڻ جون پڻ هدايتون به ڪيون.