حيدرآباد ۾ راشد ملاح واري واقعي بعد مبينا کنڀيل سندس زال ۽ ڀينرن سميت ٻيا گھرڀاتي آزاد

حيدرآباد ۾ راشد ملاح واري واقعي بعد مبينا کنڀيل سندس زال ۽ ڀينرن سميت ٻيا گھرڀاتي آزاد

سجاول(رپورٽر) حيدرآباد ۾ راشد ملاح واري واقعي دوران مبينه پوليس حراست ۾ رکيل راشد ملاح جي زال ۽ ٻن ڀينرن ۽ ڀاء سميت گهرڀاتي آزاد ٿي سجاول ويجهو سندن مائٽن وٽ پهتا ۔ ڀينرن جون اڇنگارون ڪجھ ڏينهن اڳ حيدرآباد ۾ راشد ملاح واري واقعي بعد راشد ملاح جي زال حنا ٻه ڀينرون فريده شينا ۽ مريم ۽ ڀاء سميت گهرڀاتين کي حيدرآباد پوليس سندن گهرن مان مبينه گرفتار ڪري گم ڪري ڇڏيو ھو انهي دوران راشد ملاح پڻ ھٽڙي ٿاڻي جي حد ۾ مبينه پوليس مقابلي دوران مارجي ويو ھو جنهن بعد سجاول ۾ سندن مائيٽن ۽ ملاح برادري جي ماڻهن پاران راشد ملاح جي خون سان انصاف ۽ گم ٿيل گهرڀاتين جي بازيابي لاء احتجاج ڪيا ويا اھڙن احتجاجن کانپوء گزريل رات دير سان کين پوليس حراست مان ڇڏيو ويو جيڪي سجاول ويجهو سندن مائٽن جي ڳوٺ پهتا مسمات فريده ۽ ٻين چيو ته پنجن ڏينهن تائين پوليس اسانکي باندي بنائي رکيو اسانکي ھاڻي خبر پئي آھي ته راشد ملاح شهيد ٿي ويو آھي ھنن روئندي مطالبو ڪيو ته راشد ملاح جي قتل ۽ اسانکي بلاجواز گرفتار ڪري قيد ۾ رکندڙ حيدرآباد پوليس خلاف ڪاروائي ڪري انصاف ڪيو وڃي