شڪارپور ۾ عام چونڊڻ جي حوالي سان ڊي سي الطاف احمد چاچڙ جي صدارت ھيٺ اجلاس

182 views | 08th Jan 2024 • سنڌي خبرون

شڪارپور ۾ عام چونڊڻ جي حوالي سان ڊي سي الطاف احمد چاچڙ جي صدارت ھيٺ اجلاس

شڪارپور (احسان ابڙو) شڪارپور ۾ جنرل اليڪشن 2024 جي تيارين بابت ڊپٽي ڪمشنر آفيس شڪارپور ۾ گڏجاڻي ٿي گذري. گڏجاڻيءَ جي صدارت ڊپٽي ڪمشنر شڪارپور الطاف احمد چاچڙ ڪئي. گڏجاڻيءَ سان ڳالهائيندي ڊپٽي ڪمشنر شڪارپور چيو ته ضلعي ۾ جيڪي به پولنگ اسٽيشنون آهن انهن جي لاءِ متعلقه آفيسر پولنگ اسٽيشنن جو دورو ڪري انهن بابت رپورٽ پيش ڪن. جيڪي پولنگ اسٽيشنون حساس، انتهائي حساس ۽ نارمل آهن انهن بابت به رپورٽ ڏين ته جيئن انهن جي کوٽ واڌ کي وقت سر پورو ڪري سگهجي. ڊپٽي ڪمشنر شڪارپور الطاف احمد چاچڙ آر ٽي سيڪريٽري وسيم احمد ميمڻ کي هدايت ڪئي ته اليڪشن لاءِ گهربل ٽرانسپورٽ جو بندوبست ڪيو وڃي. هن چيو ته پولنگ اسٽيشنن ۾ جتي به ڪم رهيل آهي ته ان کي جلد کان جلد مڪمل ڪرايو وڃي. گڏجاڻيءَ سان ڳالهائيندي ايس ايس پي شڪارپور ڊاڪٽر عمران خان چيو ته ايندڙ جنرل اليڪشن ۾ ضلعي شڪارپور جي سمورين پولنگ اسٽيشنن تي پوليس عملدار پنهنجون ڊيوٽيون سرانجام ڏيندا ۽ کٽل نفريءَ بابت اعليٰ عملدارن کي هڪ خط لکي نفريءَ جو پورائو ڪيو ويندو.گڏجاڻيءَ سان ڳالهائيندي ڊسٽرڪٽ اليڪشن ڪمشنر وقار احمد شاهه چيو ته اسان مختلف ادارن جي ملازمن کي اليڪشن بابت ٽرينگ ڏني آهي. هن چيو ته ايندڙ ڪجهه ڏينهن ۾ پرزائيڊنگ آفيسر ۽ اسسٽنٽ پرزائيڊنگ آفيسرن کي ٽرينگ ڏينداسين. هن چيو ته جيڪي ٽرينگ ۾ شامل نٿا ٿين ۽ ٽرينگ ڪري پوءِ ڊيوٽي جيڪي نه ڪندا انهن جي خلاف انهن جي ڊپارٽمينٽ کي ليٽر جاري ڪيو ويندو.