کالعدم بی این اے کا کمانڈر اپنے 70 ساتھیوں سميت قومی دھارھ میں شامل

کالعدم بی این اے کا کمانڈر اپنے 70 ساتھیوں سميت قومی دھارھ میں شامل

کوئٹہ (ویب ڈیسک) کالعدم بلوچ نیشنل آرمی (بی این اے) کے سابق کمانڈر سرفراز بنگال زئی نے 70 ساتھیوں سمیت قومی تحریک میں شمولیت کا اعلان کردیا۔ کوئٹہ میں بلوچستان کے نگراں وزیر اطلاعات جان اچکزئی کے ہمراہ پریس کانفرنس کرتے ہوئے بی این اے کے سابق کمانڈر سرفراز بنگلزئی نے انکشاف کیا کہ بھارت بلوچستان کا امن تباہ کرنے کے لیے فنڈز، منشیات کا کاروبار، لوگوں کو اغوا کرتا ہے۔ سرفراز بنگال زئی نے کہا کہ کچھ لوگ بلوچ ماؤں، بہنوں اور بلوچ نوجوانوں کو مذموم مقاصد کے لیے ریاست کے خلاف استعمال کر رہے ہیں، خواتین کو بھی جنگ میں دھکیلا جا رہا ہے۔ انہوں نے کہا کہ اپنے لوگوں اور اپنی سرزمین سے دور رہنے پر افسوس کے سوا کچھ نہیں ہے، مجھے یہاں آ کر خوشی ہوئی، دیگر لوگ بھی ان کے استقبال کے لیے ریاست کے منتظر ہیں۔ انہوں نے کہا کہ بہت زیادہ نقصان ہوا ہے، والدین کو بھی پیغام ہے کہ وہ اپنے بچوں کو ایسے ماحول سے دور رکھیں، بندوق مسئلے کا حل نہیں، والدین کو اپنے بچوں کو تعلیم دینی چاہیے۔ اس موقع پر جان اچکزئی نے کہا کہ بی این اے کے کمانڈر 70 ساتھیوں سمیت قومی دھارے میں شامل ہوئے ہیں، ریاست بغاوت سے واپس آنے والوں کو خوش آمدید کہے گی، غلط فہمیاں اور غلط فہمیاں ختم ہونی چاہئیں، پاکستان کی ترقی بلوچستان سے جڑی ہے۔