گڏاپ: وزير بروھي ڳوٺ جي رھواسين جو جو سھولتن جي اڻاٺ خلاف احتجاجي مظاھرو

گڏاپ: وزير بروھي ڳوٺ جي رھواسين جو جو سھولتن جي اڻاٺ خلاف احتجاجي مظاھرو

گڏاپ (رپورٽر)ڪراچي سھراب ڳوٺ ٽائون انتظاميه جي عدم دلچسپيءَ سبب يوسي پنج ۾ مسئلن جا انبار لڳي ويا. ھر طرف گندگي جا ڍير. سيوريج جو گندو پاڻي مين گھٽين ۽ گھرن ۾ تلائن جي صورت اختيار ڪري ويو. رھواسين پاران احتجاج ۽ شڪايتن باوجود ٽائون چيئرمين لالا رحيم تڪ جي ماڻهن جا مسئلا حل ڪرڻ بجاءِ اگھور ننڊ ستل. يوسي پنج جي وزير بروهي ڳوٺ جي رھواسين امام بخش مگسي. مومن چانڊيو. مختيار چانڊيو. عبدالڪريم مگسي جي اڳواڻي ۾ احتجاجي ريلي ڪڍي مين گرائونڊ ۾ مظاهرو ڪيو ويو. ان موقعي تي مظاهرين چيو ته مسلسل ھڪ سال مڪمل ٿيڻ وارو آھي پر اسان جا مسئلا حل ٿيڻ بجاء ويتر وڌندا پيا وڃن. ھنن چيو ته بلدياتي چونڊيل نمائندن اسان جي محلي ۾ ھڪ به گٽر جو ڍڪڻ ناھي رکيو. شڪايتن باوجود يوسي چيئرمين ۽ وائيس چيئرمين ٻڌڻ لاءِ تيار ناھن. ٽائون چيئرمين لالا رحيم اليڪشن کان پھرين وڏا خواب ڏيکاري ھاڻي اسان جي ڪال کڻڻ لاء تيار ناھي. ھنن ميئر ڪراچي مرتضي وھاب ۽ پيپلز پارٽي قيادت کان مطالبو ڪيو ته سھراب ڳوٺ ٽائون ۾ ھٿ وٺي ٽائون جو چيئرمين پ پ جو ووٽ بيڪ خراب ڪرڻ جي ڪوشش ڪري پيو جنھن خلاف نوٽيس وٺي يوسي پنج جا مسئلا حل ڪرايا وڃن.